مجالس الفرده - من أرشيف ... زمانٍ مضى ....

مجالس الفرده (http://www.alfredah.net/forum/)

- مجلس حــديـث الــقــلـم (http://www.alfredah.net/forum/alfredah36/)

- - من أرشيف ... زمانٍ مضى .... (http://www.alfredah.net/forum/threads/alfredah8874/)

من أرشيف ... زمانٍ مضى ....

هذه اللوحات وجدتها
بين كتب مدرسيه قديمها معظمها من المرحله الثانويه
ونقلتها مع قليل من التصرف
من أرشيف ... زمن .. من أجمل مراحل العمـــر

*****

تبي ترحل .. وتروح عني
تبي عذر ... من أجل الرحيل
هيا أرحل
معك عذر .. مع سويعات الأصيل
بس أترك عندي شئ يذكرني
وأن ما حصل
هيا أرحل ... الله معك
وإلا أقول .. اقول لحظه
العمر يجري وفيه ومضه
خذ معك كل الذكريات
خذ معك كل الآهـات
خذ معك اللحظه الأولى
وخذ معك النظره الأولى
وخذ معك الوقفه الأولى
وخذ معك الأبتسامه الأولى
خذ كل شئ كل اللي تنوله
خذ الورد بعد مابان ذبوله
خذ الأبتسامه والنظره الخجوله
ما بقى لي شئ أتذكره
إلا في ذاك اليوم .. وذاك الصباح
كنت رايح للمدرسه
شايل الشنطه وإيدي على البنطلون
خايف ينزل من الجسم النحيل
مابه حزام يمسك البنطلون
كنت في جهاد والبال مشغول
شايل شنطه ماسك بنطلون
وأتذكر الحصه الأولى والواجب
الماده رياضيات والمدرس رجب
كنت أمشي وبرد الشتاء يلفحني
ورذاذ المطر أخاف يطيحني
ومن عند الركنه شفتك
لابسه المريول الأزرق
ورجعتي وأنتي تركضين
وأبتسامه كني أشوفهالحين
ونسيت نفسي ونسيت
كل شئ .. يوم شفتك نسيت
ومنها أبتدى المشوار
ومرت الأيام .. أيام العمر
فيها اللي يحزن واللي يسر
ووصلنا لمحطة القطار
لكن مابه فايده
دامك ما أنتي بعايده
والحين تبي ترحل
تبي عذر ... معك كل العذر
هيا أرحل .. أرحل
أرحل .. وأرحل
وأترك وردي يذبل
وش اللي يصير لو وردي يذبل
كل شئ راح .. هيا أرحل

***

لبيه .. لبيه .. يا عيون المهاة
اللي زارتني البارحــــه
ريحة وردها الطائفي
كلامها معسول وعاطفي
وش فيه .. لا غنيت فيها
يا عيـــــــــون المهاة
أنا المهتوي نعم فيها مهتوي
وقلبي لها ملتوي ... لوي لوي
آه ... يا عيونها .. أوصفها
كيف ... بس وش لونها
ظلً ظليل .. ليل .. سكون ..
آه ... يا محلا ذيك العيون
آه .. يا بحة الصوت .
. نغم على النوت
آه يا خطواتها .. تمشي ليا
فيها سحر .. تسحر .. هناك وهنيا
شعرها الضافي السليل
ينحدر .. كما سيل وهماليل
على قمرا ... في تالي الليل
لوحة شجن .. فيها غرام وعشق
خصرها تشبك الكفين
بروزها قفزة دلفين
شعرها ونحرها وخصرها
كلها ... كلها زين في زين
يخفق القلب .. ويزداد نبضه
حلاوة لقى .. في ليل .. له ومضه
وفجأه ... ينجلي حلم اليقضه
ويختفي .. حلمٍ عشت معه لحظه
يا أجمل اللحظات ..
. ودمعه على عمرٍ فات
ولبيه ... يا عيون المهاة
لبيه .... لبيه ....
يا عمري اللي فات

***

بين أضلعي لهفه ..
هي مشاعر .. هي شجون
هي أســـــى
أعرفه وأقدر ... أوصفه
أغض الطرف ... أتناســى
صبح ... ومســــى
أرسلت ... للي أرتاحله
شكيت همي إله
وضحت إله ... كل شي
ورّد .. علي ما هي عادته
يقول .. أعذرني .. ما بيدي شي
إذا ما أعذرك .. مين أعذر
مسموح بدون أدنى عذر
ما به شي يستاهل عذر
اللي مشى واللي حضر
كلهم عندك مثل مثل مثل
بس أنا غير ..
صار عندي خيبة أمل
فكره وعلي طرت
خاطره بدمي سرت
وسطرتها للي يهمه امري
للي أوده وأغليه
وافديه بعمري
هي لهفه .. تمحورت عاصفه
كنت واقف على شرفه
وأنظر للناس من بعيد
فكره ظنيتها هادفه
أنادي ... يا سعد يا سعيد
لا هي مشاعر .. لا هي شجن
هي أعظم من كل شي
خيبة أمل في جسد حي
كلهم عندك مثل مثل مثل
أنا صارت لي خيبة أمل

***

أعيش في عيونك
خيال بخيال
كلما أشتقت لك
سلهمت عيونك
يا بن الحلال
تدري أنك لي أقرب قريب
سيد سيد الجمال
أليا بغيت أشوفك نمت
وهذا الوصال
أحلام أشوفك وأحلام أشتاق
في ذبول
أصبحت لي حلم وأصبحت
لي آمال
تدري ليا بغيتك أروح أنام
أشوفك خيال