سلامي لرجال اللي وفاهم مانقصه اشهود=لهم من ماظلم حظه يبا يدلي شهاداته
وسلم من اسس الموقع بسم مجلس عيال العود=ابن مرزوق ماتخفا على من زار وقفاته
وسلمت ودمت يامنصور ابن وسوس على المجهود=انا اشهد مثلك وشرواك علم الطيب عاداته
وابوعبد الملك وافي بعلمه مايمن ايجود=توجه كل من يبحث عن السنه كتاباته
ومنهو باقيٍ شامخ على ماكان به معهود=ابن عتاق بالواجب حشا ماتقصر ابياته
ولاننسى عضو لجنه كفو ماطاله المنقود=ابن راكب ينورنا بنقده واستشاراته
ومشعل دايم حزام على روس العلا مشدود=على روس القمم يجزم ولا تكثر مراواته
ومزعل غايبن عنا وكنه حاضرن موجود=ولو حالت دول دونه تشرفنا زياراته
وابو راكان للمجلس بذل جهدٍ عليه نشود=وكلن حسب مقدوره يقدم واقتداراته
ومن شارك بها المجلس لنا مثل الذهب مرصود=ولو فيهم نقول الشعر ماتكفي عباراته

صح لسانك وبيض الله وجهك ياشاعرنا العذب

ابيات في قمة الروعة ويستاهلون الاخوان هذا المدح

ولي الشرف اخوي عبدالعزيز ان يكون اسمي من ضمن هذه المعلقة الشعرية
والله الساعة المباركة التي تزورني فيها وابشرو والله بسعدكم
سلمت ودمت شاعرا وشمعة في مجالسك مجالس عيال العود

تقبل تحياتي

الشاعر عبد العزيز العبلان
صح السانك على القصيده الرائعه
بالفعل من يتذوق الشعر يجد أنها من أروع الأبيات التي جمعت في أبياتها
الوفاء والمدح والثناء يستاهلون ابناء عمك
وتستاهل انت كل خير قصيده وفاء منك
وليس بمستغرب منك يا ابو سعيد,،،،،
ولي الشرف انني أجد اسمي في القصيده
كلنا شوق لنرى بقيّة قصائدك بل روائعك الجميله ولاتنسانا من الغزل
ترا القلوب خضرا

http://hsarnt.jeeran.com/%D8%AA%D8%B...9%8A%D9%82.gif

المشاركة الأصلية كتبت بواسطة منصور الوسوس (المشاركة 139026) صح لسانك يبن عبلان والمجالس انتم نورها وانتم تاجها ولسانها الناطق فالكل يستاهل قصيدة على تلك الجهود والتواصل والابداع جميع اعضاء المجالس شموع مضيئة تنير تلك الصفحات البيضاء النقية تقبل خالص التقدير على تلك الكلمات الصادقة والنابعة من صفاء النفس لك خالص الحب والتقدير ودمت لنا مبدعا في مجالس العز والشموخ بدون قصور بالجميع

المشاركة الأصلية كتبت بواسطة عايض المقطع (المشاركة 139039) صح لسانك ،ويستاهلون المدح على جهودهم واخلاصهم لهذا المنتدى. وبالتوفيق للجميع.