|
أهداء للمجلس هذه قصيده مهداه للمجلس بعد الانقطاع للاسباب خاصه والله يديم المحبه بيننا
القاف قز الدرب من سرعته ماج =يبغى الهدف عن وجهته ماتموّج لوهو عليه ابعد من ديار قرطاج=ياصل بعدل الراي كب المعوّج ينصى علم شامخ غدى مثل الأبراج=له يلمح العاني ولا قيل دوّج المجلس الي قافه ابيض من العاج=ابيض اصل ماهو من اللي مدوّج الجوهره ماقيل تلميع تحتاج=فوج الفرايد فيه دايم يفوّج المجلس اللي مكتسي حلت التاج=إليا حضر بين المجالس يتوّج عزالله انه طوق القلب بسياج=من الغلى والحب بسمه يسوّج اسمه مابين اهل الثنى والوافى راج=بنشر الجزايل معلنو له يروّج الشاعر / عبدالرحمن سعود الفريدي |
رد: أهداء للمجلس الشاعر الفذ / عبدالحمن بن سعود العبلان الانقطاع الذي تحدثت عنه لايعدوا كونه امر خارج عن الاراده و العودة بتلك الدرة الثمينه هي هديه تعبر عن مدى مايتمتع به موقع مجالس الفردة من محبة وتقدير لدى المخلصين امثالك .... كل الشكر والتقدير لك اخي ابو سعود على هذه الابيات الجميلة وصح لسانك مليون ... اهلا وسهلا بعودتك مجدداً ونتمنى ان تتحفنا بجديدك ... تقبل اجمل تحية من محب ... |
رد: أهداء للمجلس عبدالحمن بن سعود العبلان صح لسانك وسلم إحساك درتك النابعة من جود كرمك ومحبتك .. تتحفنا على الخير والمحبة ننتظر إبداعك .. ومن جميل إلى أجمل تحيتي . |
رد: أهداء للمجلس منصور الوسوس اشكرك على مرورك الجميل وهذا اقل مانقدمه للمجلسنا مجالس الفرده وهو الأحق بجديد كل عضوء ولك تحياتي أبومحمد |
رد: أهداء للمجلس أبوياسر أشكرك على المرور الجميل وعلى الاطراء ولك تحياتي |
| الساعة الآن 06:38 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir