يالسهام اللي جرحتي .. فرحة الأشواق فيني=فرحة الشوق اليتيمة .. كيف تِجرَح في مهدها
فرحةٍ كانت مثل .. دنياً جميلة تحتويني=مرّت بليلة ولكن .. ليلةٍ ماطال أمدها
ليه تطرين البعاد المرّ .. وأنتي في يديني=زهرة ٍ راعيتها .. خوف الهوى يجرح جسدها
كيف أبابدل غرامك ؟! وانتي اللي كحل عيني=يكفي إن عيني بعد فرقاك .. تشكي من سهدها
الشعور اللي على لاماك .. حرك دمعتيني=غيبتك علقم حياتي .. والفراق آمرّ وأدها
وين حظي ؟! ماجمعني معك في ماضي سنيني=غربةٍ يَبْست عروق القلب .. ماسيّل رعدها
غابت ولاباقي ٍ غير الوعد .. بينـَه وبيني=كل ماحلّيت عقده .. زادت الدنيا عقدها
تدري إني هايم ٍ في عشقها .. وأدري تبيني=وأدري إنْ ماكل من دوّر على حاجة وجدها
جيت أبسلا خاطري بغيابها .. وأكتم حنيني=مير دورات الليالي .. باح سدّي من جَهَدها
ياحروف الشعر بالله .. جمعيني وإنثريني=فوق شاشة رقمها .. يمكن تعجّل في وعدها
علّها تدري عن إحساسي لها .. حتى تجيني=فرحتي .. يوم ٍ أناظر عينها .. وآظمّ يدها

المشاركة الأصلية كتبت بواسطة منصور الوسوس (المشاركة 70975) الشاعر القدير : محمد بن صخيبر ابيات رائعة جدا وتسلسل ابداعي لايضاهى اضفت الفن التقني للابداع الشعري قصيدة فعلا تستاهل من شاعر ثبت اسمه وشعره في سجل الشعراء شكرا لك على هذه الاضافة الجميلة وصح لسانك ودامت ايامك تقبل اجمل تحية من محب

المشاركة الأصلية كتبت بواسطة غازى بن عجاب أبوزوايد (المشاركة 70980) محمد بن صخيبر روعه بالتصوير والتسلسل ما أقدر أقول الا رورعه وروعه تسلم اشتقنا لهالقصيد العذب الرائع تقبل مرورى وتحياتي وسجل إعجابى تحياتي للجميع

المشاركة الأصلية كتبت بواسطة مقبل بن نمران (المشاركة 71000) الاخ العزيز النقي / ابو تركي الله الله الله قصيده كايفه استمتع بها دائماً من شاعر جزل كل مايكتب يقودنا للإستمتاع دائماً صح لسانك وسلم بنانك وأدام الله نبضك مع صادق محبتي وتقديري