|
$$ سحج العشاير $$ اواخر الاسبوع الماضي تشرفت بزيارة الاخ والصديق الشاعر الكبير /مهل بن سرور الفريدي (ابو نواف) في بيته العامر بالقواره واثناء حديثنا طالبته بتزويدي ببعض اشعاره لوضعها في مجالس الفرده وقد وعدني خيرا وقدم لي قصيدة اضعها امامكم وموضوعها لا يحتاج الى تعليق :
يالله يامنشي المزون المزابير=يامعيد للريضان عقب القطاعه تفزع لنا باللي سحابه مناحير=ذواري القبله تسوقه لقاعه سيله يميّل طايلات العثامير=وياخذ على الحزم الطويل ارتفاعه رايك عمى ياللي تسب المغاتير=ياعل مالك عند ربي شفاعه يوم الشفاعه بين ورد ومصادير=عساك تعطى عن نبيك قناعه عساك من سكان قاعة زمهرير=حيث ان ماعندك عليها مناعه تقول بعهن بالغنم والقراقير=رأيٍ عمى مالي عليه استطاعه سحج العشاير مبعدات المشاوير=والذيب ماله من حديهن طماعه برص المواخر مكرمات الخطاطير=والرزق فيهن يوم وقت المجاعه يوم الزمان اللي لياله مدابير=والناس كلٍ قدرته من ذراعه نركب عليهن يوم وقت المحادير=ونجيب من عيش العراق ومتاعه كبار الظهور ارقابهن كالنواعير=ضد الزمان اللي تقانب اسباعه عينت فرّيسٍ مثل سالم الزير=اللي شهادتهم وسام الشجاعه ذبحوا ورا البل يوم خز القناطير=وياما وقع من دونهن من بضاعه بالمعركه ننخا العيال المساطير=ارخاص العمار مفرقين الجماعه اللي يفكون البكار المصاغير=في حزة ٍ ميدانْ للعمر ساعه وصلاة ربي عد مارفرف الطير=على شفيع الخلق يوم الشفاعه *********** |
رد: $$ سحج العشاير $$ الفاضل : عندليب المجالس خلف الفريد سلمت يمينك على هذا النقل الجميل من احد مدارس الشعر من عيال راشد فالشاعر الكبير مهل بن سرور شاعر قدير مبدع نتمنى ان نرى المزيد من قصائده وهكذا هي عادتك اباعبدالعزيز لاتاتي الا بالجزل فدمت لنا مبدعا متواجدا تقبل اجمل تحية من محب |
رد: $$ سحج العشاير $$
|
رد: $$ سحج العشاير $$ الغالي منصور يسعدني ابا محمد ان تكون منك المصافحة الاولى كعادتك اشكرك جزيل الشكر على هذه الثقه والكلمات الرحيق ... ويستاهل ابو نواف شهادة عملاق واديب مثلك .. لاعدمتك ................ |
رد: $$ سحج العشاير $$ العزيز مجروح الزمن شرف لهذا المتصفح ان يزدان بحروفك الكريمه وفعلاً تستحق هذا الاطار الجميل الذي يغلفها لانها من القلب ومن عنوان الوفاء نعم ابو نواف من فرسان الشعر وسوف ناتي بجديده وقديمه متى تيسر ذلك ان شاء الله .. دمت لاخيك بخير وعافيه ........................ |
رد: $$ سحج العشاير $$ يالله يامنشي المـزون المزابيـر يامعيد للريضان عقب القطاعـه تفزع لنا باللي سحابـه مناحيـر ذواري القبلـه تسوقـه لقاعـه سيله يميّـل طايـلات العثاميـر وياخذ على الحزم الطويل ارتفاعه امين يعطيك العافية اخوي خلف وصح السان الشاعر مهل |
رد: $$ سحج العشاير $$ أخوى أبو عبد العزيز صباح الخير ياوجه الخير . سحج العشاير روعه صح لسان الشاعر وتسلم يمين الناقل تتحفنى دائماً بألأجمل يالفريد مانقدر نقول الا تسلم وتسلم وتسلم على النقل تقبل مرور أخوك وتقبل تحياتى تحياتى للجميع أبو فيصل |
رد: $$ سحج العشاير $$ ابو عبد العزيز صح لسانك ولسان الشاعر / مهل بن سرور الفريدي الله يمده بالصحة والعافية ومشكور على النقل ودمت بخير |
رد: $$ سحج العشاير $$ الشامخ1 الله يعافيك ويديمك بخير لاهنت على مرورك الجميل تحياتي .......................... |
رد: $$ سحج العشاير $$ ابو فيصل الغالي هلا مليون هلا ياتاج راسي مرورك هو نور هذا المتصفح ووهجه وكلماتك هي البلسم الشافي مايحوز على رضاك وانت الشاعر الافخم هو مطلبي لاعدمت هذا التواجد الجميل تقبل قبلات اخيك الحاره .................... |
| الساعة الآن 08:02 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir
