|
لبى اتصالك . . بكل الحب لمد بساط الرومانسية . . لأصحاب القلوب الرقيقة . والمتابعين الأفاضل
لبى اتصالك ولبى صوتك الساهي=ولبى حروفٍ تصب الشوق مبحوحه ياللي مساك العبير وعطرك الزاهي=لون حياتي وخلى الروح مشروحه منك استمد الحياه وحسي الراهي=واقبل وجيهٍ قبل بالقلب مذبوحه تعيد ترتيب وقتٍ ماصفى لاهي=عني وانا منه بين الوصل وجروحه مسكون فيه غلاك وعمرك الباهي=ينبت على هيكل الوجدان ياروحه تمر بيه كذا والقلب لك فاهي=سولف عسى المزن تسمع نبضك وبوحه في جمرتينك حكي والعين لك ياهي=تجوع . . تضمى . . بدون شعور مفضوحه أمطر على سنين عمري واترك أشباهي=حرام غيثك يمر صدور مشفوحه وانته لو انك بزينك جيت متباهي=كان أكثر الناس يأغلى روح مجروحه بس انت لين عفيف ومابقى إلا هي=يرفع تواضعك نص الكون وصروحه ياعذب من وصال صوتك زولك الناهي=اللي عليه القصائد غصب مسفوحه والعطر والليل ياقلب العنى اللأهي=غنى على صوتك المبحوح من نوحه وايامنا ياحياتي كلها ماهي=إلا بقايا حزن وجروح مفتوحه . |
رد: لبى اتصالك . . عقيد القصيد شاعرنا الرائع ابو ياسر قصيدة تستوقف المتذوق بل يقف الجميع لها احتراما لكلماتك الراقية تستاهل الجمال لجمال ماكتبت تقبل اجمل تحية من محب |
رد: لبى اتصالك . . شش صح لسانك أبو ياسر ويالبى هذه الرائعة !!!! بيت بيت من شاعر الرومانسية أبو ياسر |
رد: لبى اتصالك . . أخوي أبوياسر.. أجمل تحية.. كجمال قصيدتك الرائعة التي تفسر معنى الجمال.. صح لسانك على هذه الروعة الرقيقة برقة مشاعرك.. ودمت بود،،، |
رد: لبى اتصالك . . [align=center][color=#000000] و الله مدري وش اقول بس ثانكس والا فيري ماتش والا اقول فنتاستك بس كلهم ما يوفون ولا يكفون ولا يشفون لكن الي متأكد منه أن الاوسمة تزهاك ابو ياسر عقيد القصيد ، شاعر الرومانسية ،شاعر المعنى ، وكذلك وسام اسمه الشاعر . مررت فقط اسجل اعجابي والا الكلام الي عندي لمقطوعاتك المنقطعة عن النظير كثير ما تحتوية صفحات النت والمعذرة ابو ياسر الباقي بعدين .... |
رد: لبى اتصالك . . وايامـنـا ياحيـاتـي كلـهـا مـاهــي >>>>>>>إلا بقايـا حــزن وجــروح مفتـوحـه الله الله عليك ياعقيد القصيد مبدع ...رومنسي...تلامس شغاف القلوب الخضراء بانامل الشوق الرقيقة ابدعت اباياسر |
رد: لبى اتصالك . . الاخ مقبل النمران صباحك عسل وزهور ( أقبل وجيهن قبل بالقلب مذبوحه ) من شان عين تكرم مدينه ومدن وبلاد بعد حياك الله يابو ياسر خلف سمى هذا النوع الوردى وانا أقول هذى ورديات كلها على كلها تسلم وتسلم وتسلم تقبل مرورى وسجل إعجابى وأكرر تسلم وتسلم تحياتي لك كما تحياتي للجميع |
رد: لبى اتصالك . . اقتباس:
تجبر الواحد يعيد القراءه مره ثانيه وثالثه مثل اللي يتذوق العسل الجيد لازم يعيد الكره سجل اعجابي في سجلك ملاحظه : نازف الحرف الظاهر منخفض معه السكر الرجال خلط العربي مع E وقطع الكلمات لا !!! الرجال منخفض السكر معه الله يستر لاتصير معي:::::::::::::::::::: |
رد: لبى اتصالك . . الاخ الكريم / ابو محمد شاكر ومقدر لك كلماتك الرائعة وماعليك زود تواجد جميل . . ووفاء من محب ولاهي غريبة عليك دمت بخير |
رد: لبى اتصالك . . ناصر بن راكب ويالبى قلبك بس وش شش ذكرتني بــ خمشه شفر هههههههه صح بدنك يالغالي ومرحبا بك دوووم . |
رد: لبى اتصالك . . عبد الرحمن صح بدنك وسلم احساسك ودام هذا التواجد مع شكري ومحبتي وتقديري . |
رد: لبى اتصالك . . اقتباس:
الاخ العزيز / نازف الحرف سلم هذا الحضور الوافي كعادتك اشكر لك جميع الاوسمة التي مازلت تهبها لاخيك على مراكب الوفاء والمحبة ماقصرت واعجابك وصل ومحل تقدير وإفتخار فوق جيت ابسوي اقتباس ودخلت على التعديل ههههه لكن جبناها اقتباس هنا :o دمت بخير وصحة وسلامة . |
رد: لبى اتصالك . . ابو بندر تسلم على حضورك الجميل وماقصرت وماعليك زود دمت بخير |
رد: لبى اتصالك . . ابو فيصل شاكر ومقدر لك حضورك سلمت ودمت مع أجمل وأزكى التحايا وعلى الخير والمحبة . |
رد: لبى اتصالك . . اقتباس:
هلا ابو عمر صح بدنك وإحساسك والعسل هو تواجدك الذي يرسم الإبتسامة على وجوه محبوك والله يعافيك انت ونازف وماترون بأس الله يعلي مستواكم ويخفض حلاكم ههههه مع فائق محبتي وتقديري . |
رد: لبى اتصالك . . اقتباس:
ابو ياسر هذا ما اردناه من تلك الورديه ..... خصوصاً مع صيام ابن جضعان ههههه لابد انها حركت القلوب والنفوس ... واشوف ابو ماجد خلط اللغتين < استاثمت بالرجال :) جميل ان نرى ابداع شعرائنا في هذا المجلس الجميل وفي كل المجالات ورائعة هذه الورديه التي لاتاتي على هذا النحو من الكمال في كل شيء الا من شاعر في مستوى مقبل النمران اشكرك على هذا الابداع اللامتناهي .... وصح لسانك وعلا شانك .................. |
رد: لبى اتصالك . . ابو ياسر تثبت في كل قصيدة جديدة ، أنك تستحق اللقب بجدارة . فصاحة في التعبير ، وإنطلاق ودقة في التصوير قل أن يكون لها نظير أنت يا عزيزي بتساميك هذا تعلم حتى الشعراء ، قبل أشباه الشعراء ، كيف يكون الشعر . دم بالوجود الله يكثر من أمثالك لنسمو عالياً في سماء الإبداع. |
رد: لبى اتصالك . . ابوياسر عهدتك رائعا ولاتزال كما انت الى القمة دوما ربما الاخوان لايعلمون انني كنت المستشار المطلع اولا باول على بنات افكارك من البدايه وانني راهنت على شاعريتك دم مبدعا عزيزي ولك كل الحب |
رد: لبى اتصالك . . ابو عبد العزيز صح بدنك وسلم إحساسك وماعليك زود أشكرك على هذا الحضور الجميل ودمت بخير |
رد: لبى اتصالك . . اقتباس:
وتثبت للجميع أصالتك . والنقاء المتفرد وما شهادتك هنا إلا وسام يستحق الإقتباس من شاعر وأديب رائع وماعليك زود أعز الله قدرك ورفع شأنك عساك بالوجود وبخير |
رد: لبى اتصالك . . ابو فيصل هلا وغلا بك ومازلت المستشار الأول ياعزيزي أشكر لك طيب تواجدك ونقاء إحساسك دمت رائعاً وحقق الله أمانيك وبارك خطواتك بكل الحب والتقدير |
رد: لبى اتصالك . . السلام عليكم المبدع شعراً وشخصاً مقبل بن نمران صح الله لسانك لاعدمناك ودمت لنا و للأبداع |
رد: لبى اتصالك . . الموج وعليكم السلام ورحمة الله وبركاته صح بدنك وسلم الله إحساسك أشكر لك طيب تواجدك وثقتك باخيك دمت على الخير والمحبة |
رد: لبى اتصالك . . صح لسانك يا ابو ياسر على هذه الجوهره الثمينه ,,,,,,,,,,,,,,,,,,,,,,, وبصراحه انك هيضتنا والله يستر من تواليها .................... لك اطيب التحيات |
رد: لبى اتصالك . . ابو سعد صح بدنك وسلمت ودمت وانا غير مسئول عن اي جناية بعد هذه القصيده دامك تقول الله يستر من تواليها ولك أطيب الأماني |
رد: لبى اتصالك . . ابوياسر صح لسانك على هذه القصيده الرائعه والجزله لاهنت يالغالي ولاهان مغليك |
رد: لبى اتصالك . . ابو سعود صح بدنك وسلم راسك ودامت أيامك مع تقديري ومحبتي . |
| الساعة الآن 01:52 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir