|
الجسر المعلّق...؟؟ الإعزاء... في مجالس العز والشموخ لاشك ان الكبر صفة ذميمه...عواقبها وخيمه ولا يرتدي جلبابها سوى من يعاني من عقدة النقص ومن اختلط طيبه بالكبر فهو كمن يخلط الخل بالعسل ولاشك ان السنبله الفارغه هي الوحيده التي ترفع رأسها بين سنابل الحقل واعتبروا هذا النص حق مشروع لكل من اراد ان يرسله الى من يستحقّه ممن حاول الإساءه الى هذا المجلس او لغيره من مجالسنا..تحت كل ارض وفوق كل سماء.
ياسلام الله على اللّي بالسماء رفرف وحلّق=بالعلوم الطيبه وقت مضى.. سجّل وثيقه يعتبر سلطان مجلس وان بدا بالمزح.. علّق=في عجاريف الرفيق اللّي يبي ونسة رفيقه من كثر ماهو يحب الزود لاهرجك طلّق=ان بغى قرّب ذلوله وان بغى قال الحقيقه والله انّي ياوسيع العرف ماعرف اتملّق=واحسب حساب الرجال اللّي معانيهم عميقه إلتفت ياشعيل يمّي وافتح السمع المغلّق=انت في مجلس نشاما عندك وجيه طليقه شد يمناك الثقيله ليه اصابعها تطلّق؟=كان قصدك (كبر) حنا الكبر والله مانطيقه ولاتغرّك طهبلة منهو ينافق ويتخلّق=عيبه انه لو بدا المشوار معك تجيه ضيقه ماانته بمجبور يمشيبك على الجسر المعلّق=الطريق الصح واضح والرجل يعرف طريقه لايصامخ قاسي الجيلان بالراس المحلّق=صاحبك عزمه ردي وعظام جمهاته رقيقه لايغامر بالدروب العوج ..يبلش ويتعلّق=واجب انك تنصحه وتساعده دامك صديقه وان تخطّف للحبال وللجبل قام يتسلّق=والله اني لااشهره ياشعيل واشعل به حريقه |
رد: الجسر المعلّق...؟؟ ابن العم الكريم / رشيد الفريدي لله درك على هذه الرائعه من روائعك لك منى الشكر والعرفان كفيت وفيت وهذا طبع الأوفياء ابو عبدالااله لاتحرمنا من حضورك الفعال لنا حق عليك كأشاعر وأعلامي ومثقف التواجد الدائم انت مقل بحضورك ويشفعلك مشاغلك الكثيره ولكن نبي نشوفك من غلاك ودنا كل يوم نشوف أسمك تشارك لاتحرمنا من حضورك وأكرر شكري سجل أعجابي بالقصيده |
رد: الجسر المعلّق...؟؟ صح لسانـكـ وتسلم يمينكـ والله لايهينكـ على القصيدهـ التي أقل مايقال عنها انها من عيون الشعر اسجل حضوري واعجابي الشديد ويعطيكـ العااافيه تحياااتي سـ ع ـودي العز |
رد: الجسر المعلّق...؟؟ مساء الخير / كلامك جميل لكن ماهو تعريف الكبر , من الناس من يعتقد أنك متكبر . / هل أنا متكبر عليك إذا ما سيرت عليك من خمس سنين ؟ هل أنت متكبر علي إذا أشرت لي بالسلام فقط ولم تهرول إلي ؟ هل عبيد متكبر على ربيد إذا ما كلمه بالعيد ؟ / بعدين هذا اللي يصامخ الجيلان , يعني لو جمهاته قويه يقدر يسوي شي بالجيلان ؟ |
رد: الجسر المعلّق...؟؟ صح لسانك وعلا شانك الشاعر المعروف رشيد أمتعتنا بهذه المقطوعة الشعرية الجزلة وننتظر ما يعرف عنك من شعر الجزالة |
رد: الجسر المعلّق...؟؟ ابو عبد الاله صح لسانك وسلمت يمينك لاشك ان آفة الكبر من كبائر الذنوب ولا يدخل الجنة من في قلبه مثقال حبة خردل من كبر اشكرك على هذه الرائعه الهادفه حفظك الباري ............... |
رد: الجسر المعلّق...؟؟ الشاعر القدير وابن العم الفاضل : رشيد الفريدي قصيدة رائعة جدا بكل ماتحمله هذه الكلمة من معنى وليس بذلك غريب وانت فارسها صح لسانك وسلمت ودمت ابا عبدالاله شكرا لك هذه الاضافة الجميلة ودمت بخير وعافية |
رد: الجسر المعلّق...؟؟ والله انّي ياوسيع العرف ماعـرف اتملّـق احسب حساب الرجال اللّي معانيهم عميقه ااختصار لكل المقدمات وامامه هذه الرائعه احتضار لكل الكلمات ولك تسافر كلماتي محبه وشكر وعرفان بالاجمل من القصيد دمت رشيد بخير وصح لسانك |
رد: الجسر المعلّق...؟؟ صح لسان من قالهااااااااااا |
رد: الجسر المعلّق...؟؟ ابو عبد الاله صح لسانك ماهي غريبه عليك وكعادتك جزل الثلاث أبيات الأولى يستاهلها من قيلت به لو إن لي عتب عليه مبطي ماسمعت صوته بقية القصيده يستاهلها من قيلت به وكل شيبه له ودمت على الخير والمحبة صديقاً وفي وابن عم غالي |
| الساعة الآن 09:16 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir