ياهيه يلي وسط الأسـواق تمشيـن=قولـي لعينـك لا تكـرر نظـرهـا
فيني ترى من الوقت ماهو مكفيـن=وأنتي معك نظرات زايـد خطرهـا
ثم طالعت بي وأبتسم محجر العيـن=وعقب استدارت ثم عطتني ظهرهـا
من وين والى وين وإلا على ويـن=بس الوكاد النفس جابـت خبرهـا
حاولت أجنب دربها يسـار ويميـن=ولا شفت نفسي غير تمشي بثرهـا
ودخلت معها في محـل الفساتيـن=من عقب ماحساسي غرق في بحرها
ثم استـدرات والنواظـر تراعيـن=وحطت يديها الناحله في خصرهـا
شوفت سواد عيونها بـس يكفيـن=ظـلام ليـل مستنيـرن قمـرهـا
وقفيت من عنده وقلبي مـع الزيـن=متولعـن باللـي حياتـي دمرهـا
سهمن رماني وسط شوف الملايين=محبته فـي وسـط قلبـي سمرهـا
قالت دخيلك يا محمـد مـن البيـن=وادخل عليك من الليالـي وقهرهـا
يا حلم عمراً منتظرته مـن سنيـن=ما غير أحسب بالسنيـن وشهرهـا
بطلب ولي الشان ثـم قلـي آميـن=أعيش أنـا ويـاك باقـي دهرهـا
وفزيت من حلمي بصوت المواذيـن=من ليله يا ليـت قمـت بسهرهـا
حلم جرى بالدم مجـرى الشراييـن=وحتى ضلوع القلب قـام وكسرهـا
مالـي ومـال دروبـك يالمحبيـن=حتى بظـلام الليـل ذقنـا كدرهـا