|
صـمـــود ،، وأعجــــاب
ياهيه ياللي للبهاذيل جذاب = رد الخبر بغناك تاريخ سيرة أكتب هوانا بالهوى كيف ما خاب = وأكتب صمود ما يعذرب مسيرة وأكتبلها بادلتها الحب بإعجاب = وزرعتها بروح تكن السريرة ولاشفتها جاني على حظي عتاب = من اقصى ضمير القلب لا أقصى ضميره نفسية تضفي على الروح بخضاب = لون يلون داير المستديرة وأكنها عزة عناء خاطرٍ ذاب = صلفٍ يشوف الهم ما يستذيره واقفي عن الحيين والوجد ما شاب = وأكن ما كنت لواهب سعيره لوا خسارة من تعانده الأسباب = لا اقفى يسلي النفس ويقول خيرة وهو أبخص أن الخير في نيل ماطاب= لا صار لاشر ولا فيه غِيره يالله يافرد صمد رب الأرباب = أشكي عليك الطايلة والقصيرة جيتك كسير الوجد والقلب منصاب = وأشكي عذاب دهور روح حسيرة وأخص بالشكوى عناء الصدق لاراب = قلبي يبا يجيله من الحق طيره ما هو يقينً يختلف شوق وحساب = لا والله الا حال وجدٍ خطيرة طبك ترى مالي سوى طبك أطباب = أفزع لعبد يدري أنك تديره عبدالله بن غنام 29 / 6 / 1429 هــ |
رد: صـمـــود ،، وأعجــــاب عبدالله كل التعابير والكلام الجميـل ياقف عاجز أمام هذه المقطوعه التي تنم عن قدرة شاعر يتلاعب بالقوافي ياسلالالالالالالالالالالا م:o قصيده روعه يكفيك مني أعجاب كل ماجيت انسخ بيت للأستشهاد لقيت الثاني أجمل منه قلت أرد عليها كلها بدون نسخ سجل أعجابي اباعزام لولاخوفي من أن المجاراه تكون ادون من مستواها لاجريتها عبدالله لاتحرمنا من جديدك تقبل مروري وأعجابي |
رد: صـمـــود ،، وأعجــــاب لـــوا خسـارة من تعانده الأسباب *** لااقفى يسلي النفس ويقول خيـرة عبدالله غنام ..لله درك على هذا البيت وعلى هذه القصيده الرائعه جداً دمت بصحه وسلامه |
رد: صـمـــود ،، وأعجــــاب هذا الصمود يستمد من الباري لله درك في إعجاب وهوى نقي لا يتقنه إلا الأنقياء أمثالك في قصيدة جزلة وفي غاية الروعة أتت هكذا ككتله واحدة متماسكة الحبك والمعنى وماهي غريبة عليك والله يابو عزام شاعر وابن شاعر صح لسانك ودمت بالوجود تقبل إعجابي بهذا الصمود الغارق بالعطاء والمحبة والنقاء |
رد: صـمـــود ،، وأعجــــاب لـوا خسـارة مـن تعانـده الأسبـاب لا اقفى يسلي النفـس ويقـول خيـرة وهو أبخص أن الخير في نيـل ماطـاب لا صـار لاشـر ولا فـيـه غِـيـره يقول المصطفى صلى الله عليه وسلم(عجبا لإمر المؤمن كله خير إن اصابته سراء شكر فكان خيراله وإن اصابته ضراء صبر فكان خيرا له ولا يكون ذلك الا للمؤمن )الحديث والكلام في امر الخيره يطول وهذا لا ينقص من جزالت المعاني في هذا النص وجماله وابو عزام اديب وشاعر فحل |
رد: صـمـــود ،، وأعجــــاب رائعه تشدك لقرأتها بتأمل .... لتغمض عينيك .... وتقول الحمدلله مازال للأبداع بقية ومازال بيننا الكثير من المبدعين شكرا عبدالله |
رد: صـمـــود ،، وأعجــــاب اقتباس:
من الفال الطيب أنك تكون أول من يرد على موضوعي وصدقني شهادتك وسام على صدري وأنت المشهود لك بأنك شاعر الرومانسية في المجالس بلا منازع ولا عليك زود بلا شك الف قبلة على جبينك. |
رد: صـمـــود ،، وأعجــــاب ابو عزام مقطوعه غايه بالروعه صح لسانك يابن غنام والله كريم تقبل مرورى وسجل إعجابى تحياتي للجميع ابوفيصل |
رد: صـمـــود ،، وأعجــــاب اقتباس:
شاكر ومقدر مرورك العذب الكريم ومقدر لك هذا الثناء الباذخ والف تحية لشخصك الكريم |
رد: صـمـــود ،، وأعجــــاب ابوعزام اروع من الرائعه اول مره اقرأ لك قصيده ونبي اكثر طلع المستخبي شكرا لك |
| الساعة الآن 09:31 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir