مجالس الفرده - خمسين عام / نجد بعيون أميرها . .

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - خمسين عام / نجد بعيون أميرها . . (http://www.alfredah.net/forum/threads/alfredah8079/)

خمسين عام / نجد بعيون أميرها . .

بمناسبة مرور خمسين عام على تولي صاحب السمو الملكي الأمير / سلمان بن عبد العزيز آل سعود

أمارة الرياض . . قلب نجد . . وعاصمة المملكة العربية السعودية

أقام صاحب السمو الأمير / عبد العزيز بن سعود آل سعود ( الـسـامـر )

كرنفال ومسابقة شعرية بهذه المناسبة الغالية على أن يكمل الشاعر إثنا عشر بيتاً

وكان لي هذه المشاركة بكل الود والوفاء وتجديد العهد والمبايعه

ستصدر قريباً في ديوان خمسين عام المطبوع على نفقة سمو الأمير / عبد العزيز آل سعود

الثلاثة أبيات الأولى لـ السامر

عز الرياض وعز وادي حنيفه=وعز الاماره والامور العظايم
عدل الحكم سلمان بالعز ريفه=خمسين عام كلبوها غنايم
تبصر بعدله عين حي كفيفه=المجد له والطيب والعز دايم
شال الأمانه في حياته كليفه=وتمم مطالبها بصبر وعزايم
زانت بعيه نجد بنتٍ عفيفه=وساقت غلاه رياضها والنسايم
طلق الحجاج ابو القلوب الضعيفه=ابو اليتاما والعطاء والكرايم
غيث السنين القاسيات الكسيفه=عوق العدو خصم الفقر والظلايم
طود ومناره للعقول الحصيفه=رايه يخلي مائل الوقت قايم
المومن الصادق بنفسٍ خفيفه=الصارم الكاسب وريث الزعايم
حبه تمركز بالضلوع النحيفه=واجب من عياله وحق ولزايم
لانه ابو حاني ويشهد مضيفه=كمٍ عليلٍ شال عنه السقايم
منيع دون الضيم سور وسقيفه=وبالجود بذله من كبار القسايم
نسل الامام اللي حكمها بسيفه=يوم الجزيره في ظلال وهزايم
أرسى قواعدها جبالٍ منيفه=ورسخ معالمها وشد الدعايم
عـساه في جنات عـدن الكثيفه=في رحـمة الوالي بخـير ونعايم