|
خبيب الريم اصحاب القلوب الخضراء .... مساكم ورد وفل وكادي اليكم هذه الخلجات ...
ابمفرق خبيب الريم وادعت نور العين=يشّر لي باصابيعٍ تقل وصف طبشوره ورى ستارة اللي بالموَّخر له قزوزين=مناسبٍ لطيف الروح لونه وديكوره حسب ما ذكر لي نية (العطف) متجهين=ومن عقبها يبي يمرون مستوره واظنه ذكر لي بالمدينه يبي يومين=لعلك يابو مازن تراعيه وتزوره على شان خالك مقدريّه وفالك زين=ابي كان قابلته تداري لي اشعوره تراه اهيفٍ غضٍ يشادي قمر عشرين=شناحٍ عظيم اللون والجسم والصوره خجولٍ جفولٍ منه قلبي غدا نصفين=حبيبٍ لبيبٍ يسحر الناس في حوره والا واعنايه كل ماناموا السالين=تذكرت اصابيعٍ تقل وصف طبشوره *********** اخوكم ابو فيصل |
رد: خبيب الريم اووووووووووه والبدايه ورديييييه بعد !! ابو فيصل مساك مسك وعنبر وعود ازرق لاوالله الا هجدت ابن جضعان بهالليل هههههههههههههههههههه وتبي الصراحه -واسمحلي- لي رفيق مرّي ونخيته وشفه يقص اثرهم وربك يعين :) بس لو عطيتنا لون السياره وموديلها !!!!!!!!!!! لقد حدّرنا مع طويق حتى الطايف وعند المطاف ضيعنا كامل الاوصاف ولان طريق مستوره قديم ،الوعد المدينه يا انا يابو مازن :D رائعة وردية من روائع الشاعر الانيق اشكرك على هذا الابداع الذي عودتنا عليه ونحن بالانتظار لاهنت لاهنت .................. |
رد: خبيب الريم صج لسانك ابافيصل قصيده روعه ياويل الهواوي لاقراها انتظر جديدك بفارغ الصبر قصيدك يلامس الوجدان لله درك الفريد المجاراه عندك انت اللي عندك عبارتين انا يوكن وشبح لوجالهم طاري بالقصيده والله لارد انت شاعر مقتدر مانت بحاجة فزعه انت تفزع |
رد: خبيب الريم أخوى الكبير أخى العزيز أبو عبد العزيز لون السياره ضيعته والموديل ماعرفه بس السياره فخمه جداً و أبو مازن خابره عند ابيار علي إتصل على مناك يقول أنا أنتظر (واللــــــــه العظيم هذا كلامه) تسلم يالفريد على هالمشاعرالطيبه والحموه منك ماهى غريبه أنتم أهلها أما المرى والله مدرى السالفه كبيره شوى حتى الأسياد ماتفيد فيها أقصد عمالقة السحره لك جزيل الشكر والأمتنان بك وبإمثالك أعتز تحياتي للجميع |
رد: خبيب الريم على الجضعان صباح الخير تقول ياويل الهواوى والله يالبناخى المصيبه إن محمد بن خلف الخس يقول ( الحب بلوى وأكثر الناس بلوى ) وأعتقد إنى أنا وياك ننهل من منهل واحد لكن أنا طالعت فوق فوق وتعبت شكرا على مرورك وأما مجارات الفريد فهو أخونا الكبير بلاشك لكن الدعوى ماهي بالسيارات الددسن عليها فزعه بعد والجيب واليوكن بك وبإمثالك أعتز تحياتي للجميع |
رد: خبيب الريم أبو فيصل صح لسانك على هذا الجمال الوجداني النابع من خلجات محب وهواوي من الطراز الأصيل دربك خضر مع التقدير والمحبة ننتظرك بكل وفاء |
رد: خبيب الريم مقبل صباح الخير القلوب خضراء مثلك عارف وابو عبد العزيز شابٍ علي دائم يسأل عن الوردى ( اللون الوردى ) ونحاول نرضى الجميع لكن مشكلتى انى ما أعرف للرمزيه مدرى التقليديه قصدى القصيد التالى / أنا اللى يطلع من قلبى يقوله لسانى وأتمنى إنه يرضي الجميع مرورك شرف لى بك وبإمثالك أعتز تحياتي للجميع |
رد: خبيب الريم صح لسانك قصيده جميله جداً بيض الله وجهك |
رد: خبيب الريم ابن ردمان صباح الخير أولاً يشرفنى مرور مثلك وشرواك وأتمنى أن تحوز قصيدتى على رضى الجميع لك الشكر على الإطراء ولك تحياتي تحياتي للجميع |
رد: خبيب الريم صح لسانك واسأل الله ان يرجع لك مثل مافارقك عند مفرق خبيب الريم واسأل الله ان يجعل رجعته بنية عدم الفراق نص رائع وجميل جدآ بالتوفيق |
| الساعة الآن 05:54 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir