|
الشعر أموره لها بدوار منداره
الشعر أموره لها بدوار منداره=طيرن جناحه كسير وحالته سيه مكسور عضمه وقل اليوم جباره=من يوم سمي مسمى الشعر شعريه عليه قامت تجمع شلت الحاره=وأصبح بحاله ماهي للشعر مرضيه ولا منهم اللي يصيب ويجدع الشاره=وقامت تصفق لغاديها العماويه مثل الأرانب طوال الليل سماره=قوم الهذايان كله والملاليه والمدعي عرف باع الشعر واشباره=وهو بالحقيقه به الساحات مبليه جابه غشيمن من الجمهور مختاره=وياساتر أستر مع دفعات منقيه هو يحسبنه يسر الناس بفكاره=والناس تضحك على المنجوم سريه الشعر عسر ويبي عساف لمهاره=مثل السديري وغيره والهلاليه وسبيل سند خبير الشعر بيطاره=ألكل القوافي ببو سلمان مرثيه ولا الحداري عذوب الشعر وانهاره=يطويه طين ولا يطوى مثل طيه ولا هو برادي نصيبن يعمي أنضاره=عرض الأجاويد عنه يشوم ميسيه عساف شرس القوافي كل نواره=سجل مثايل مع التاريخ فرديه وعضيب هليل يسر الشعر مضهاره=مضهار بدرٍ كشف ليل الدجاء ضيه أنا أشهدنه جزيل الشعر صخاره=بالموقف اللي ترغابه حواشيه موقف أجمالن تسوك النيب هداره=بنضارها من الغضب تضرات شريه الموقف اللي كبار القوم حضاره=لعضيب حق التقدم للأماميه ماياخذ إلا جزيل الشعر نداره=بحرن تلاطم به الأمواج مبنيه من هاز بحره غرق واقفاه دواره=ماهي سوالف وتلميع الخياليه رجل المواقف ليا شب العياء ناره=وجت السوالف من العقيل جديه ولا الحويفي وبن عبار لخياره=ولا أبو صالح جزاء ليا حميت الهيه محض الأصاله وغرس الجزل واثماره=واللي عرفنا لجزاء ماروث جديه وبن زويبن يشوش الراس لشعاره=راع البيوت الجميله والأصيله والخس محمد ولا بن عون لا داره=ليا دار بيت القوافي صاغ صافيه وياكثر مابه من الشعار بقطاره=من شرق غرب وجنوبه والشماليه محصى عددهم ضوء التاريخ واسطاره=وياكثر مابه على الأرض العربيه ويامدرك إدراك مدرك جاك معذاره=والعذر لهل المعرفه من مباديه والله يجازي زمان اليوم بدباره=اللي على الشعر شره قوم شعريه |
رد: الشعر أموره لها بدوار منداره ابن ردمان تقبل مرورى تحياتي للجميع |
رد: الشعر أموره لها بدوار منداره صح السانك ابن ردمان |
رد: الشعر أموره لها بدوار منداره صح لسانك ابن ردمان مبدع |
رد: الشعر أموره لها بدوار منداره . . . الشعر أمـوره لهـا بـدوار منـداره= طيرن جناحه كسيـر وحالتـه سيـه مكسور عضمه وقـل اليـوم جبـاره= من يوم سمي مسمى الشعر شعريـه ولا منهم اللي يصيب ويجدع الشـاره= وقامـت تصفـق لغاديهـا العماويـه . *** أبـــــو مشــــعل *** صح لســــانك قصيده رائعه جـــداً *** |
رد: الشعر أموره لها بدوار منداره ابن ردمان صح لسانك وإعتلا شأنك واقع محزن للشعر نتمنى أن لايدوم طويلاً نشكر لك هذا الحس وهذه القصيدة الجميلة لواقع سيىء ودمت على الخير والمحبة |
رد: الشعر أموره لها بدوار منداره ابن ردمان صح لسانك والشعر فيه الجزل وفيه ما دون ذلك هذه حاله منذ العصور السالفة وما يزال أناس ينتقون أطيبه وأجزله وعيبون الردي منه. وكل شاعر وله جمهور ونقاد يعرفون بضاعته وأنت من أوليك المنتقون لشعر الجزل دمت بود |
رد: الشعر أموره لها بدوار منداره غازي بن عجاب أبوزوايد ،، علي الجضعان ،، مشعل الجضعان ،، عبد العزيز العبلان ،، مقبل بن نمران ،، نازف الحرف . صح بدن الجمع ومشكورين على المرور المشرف والكلام الطيب بيض الله وجيهكم . |
رد: الشعر أموره لها بدوار منداره ابن ردمان صح لسانك على هذه القصيده الهادفه ومن ذكرتهم من الشعراء والله ونعم بهم وبباقي الشعراء لكن لو من باب المجامله ماذكرت يامعود ولا واحد فينا ياهل المجالس :) الله يسامحك يابن ردمان !!! وتعليق اخي نازف الحرف-ابوماجد- رائع جداً كما ان تشجيع الشباب واجب وبخصوص رديء الشعر يكفي انه لايعتبر شعر ، فلا يهم ، ليدّعوا الشعر وليكتبوا ولكن لن يبقى الا الاصيل اما غثاء السيل فمعروف مصيره شكرا لك ................... |
رد: الشعر أموره لها بدوار منداره خلف الفريدي صح بدنك ومشكور على المرور الطيب وحقكم بالبايت ماهو بالفايت |
| الساعة الآن 06:10 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir