|
فرز اللؤلؤ ايها الاحبه.... وانا ابحث بين اوراقي وجدت هذه القصيده... وقصتها انني زرت ابن عمي / لافي بن مرزوق الفريد (ابو ماجد) في بيته العامر ببلدة الطراق واثناء الحديث قال لي هل تذكر زيارة ابو عادل لنا ..فقلت نعم ، الشاعر الكبير بداح بن مروي العلوي الحربي ماتنسى زيارته لنا ، وانا حاضرها .... ليه ؟؟؟ فسكت ..وعند انصرافي اعطاني ظرف وبقية القصه في القصيده .... ولانني لم اجد قصيدة ابو عادل رغم البحث الا انني اضع ردّي بين ايديكم ...واعدكم في حال حصولي عليها سوف انزلها مع ردّي في مجلس المساجلات ان شاء الله ... ((( فرز اللؤلؤ )))
بديّت ذكر اللي للاكوان باني=اللي على عرشه تساوى ولا زال هو صاحب التصريف في كل شاني=فردٍ صمد ماله شريك ولا آل ارجيه عفوه عند زلة لساني=ومنه استمد العون في كل الاحوال وسر ياقلم واطلق لحبرك عناني=سطر حروفٍ مابها ضعف وهزال ياراكب اللي وارد البهبهاني=شدّ الوكاله ما ركب فيه دلال مصداره الرقعي ولا به رهاني=ولا به من التقسيط فلس ولا ريال يلفي على اللي عادته شرعباني=راعي هلا لروس الرجاجيل مدهال دايم في بيته يركزن الصياني=ولا يحط فيهن كود من غالي المال والعود الازرق سامكٍ ريهجاني=وما وصّـف القاضي يصبونها عيال اخوي ابو ماجد عزيز المكاني=له مع دروب المجد وسمٍ ومنزال مايبور بين يديك كود الهداني=والاّ الكريم يعز ربعه بالافعال نسل الشيوخ اللي قديم الزماني=ضمن مشايخ حرب سطوه ومعدال كانوا على بني السفر صولجاني=آل الفريد اللي لهم قدر واكْمال منهم منيس اللي فعوله بياني=وسالم (الجمل) شيخ ٍ له فعول واقوال وباق الشيوخ اللي تهد المباني=سبحان ربٍ يجر الايام تدوال عظم العرب ماهي علوم وتماني=يشهد على ما قلت تاريخ واجيال بعيال راشد حقّـنا له ضماني=لنا الملا ماهي دعاوي وتقوال زرته مسيّر والمحبه تفاني=عن المشاهد ما كفى صوت جوال ويوم استاذنته من يمينه عطاني=ظرفٍ به اوراقٍ خفيفات وثقال ومن الفرح كن البَرَاد يغشاني=ايقنت شيكٍ به رصيدٍ من المال او يمكن انه من صكوكٍ اثماني=لارضٍ بجدّه بين كعكي وجفـّال وفتحت ظرفي مفعم ٍ بالاماني=لكن لقيت بضاعةٍ حقـها غال ستين بيتٍ والمعاني سماني=من شاعرٍ حط الخارج لمدخال ابيات شعرٍ صدقهن احتواني=قريتهن ستين مره على امهال ودقـقـت فيهن لين فكري عصاني=لوحة رسم جمالها الوان واشكال شاعر ومتمكن بصوغ المعاني=يلفت نظر من يفهم الشعر لا قال لكن لقيته لاعبٍ شقلباني=عودٍ مهـوّل من معانيه تهتال نوبٍ يذوبني بجوّ ٍ ايماني=ونوبٍ يرقصها على الفين موال لا اقول شيخٍ عمته كبْر اباني=ولا اقول من عشاق ليلى وبسكال به علةٍ مضمونها ما خفاني=الشمس ضوّه ما يغطى بغربال قلبه خضر لازال في غيهباني=والروح ما تسوى مع الحب مثقال والعين تشقى والمفاتن عياني=مابين خد وقد وعيون وازوال كم من خريشٍ زودنّه جناني=وكم عاقلٍ في سوقهن طب واكتال يابداح ما صوبـك مبطي رماني=ما باقي ٍ مني سوى امزوع واسمال لكن اخفـّي عن قصيّ ٍ وداني=العمر قفـّى لا متى نصير جهال واليوم عندي كل شي ٍ سياني=الا رضا المعبود علام الآجال تبقى يابو عادل شبيه الحصاني=وتسلم على ماقلت يا طيّب الفال مدحت ومني تستحق التهاني=وحقـّك على ماقلت بالعين تنشال وخصصتها يا شوق صاف الثماني=وغلفتها عن التفاصيل باجمال والا انت تقدر ياوسيع البطاني=تزيدها ملحٍ ونكهه ومكيال من لابةٍ يلجا لها كل عاني=لاجا نهارٍ فيه صيحات واجفال بني علي اهل القنا والسناني=للسلم ساداتٍ وللحرب شعّال حمول خيلٍ من دهايا الزماني=ومن عالية مسروح قدرٍ ومنهال فيهم اخو حسناء عريب المجاني=الفرم لا منه غدا الدم شلاّل شيخ ٍ لمع في حرب مثل اليماني=اللي علومه كلها فخر واجْلال وعقب عيالٍ كالسيوف المحاني=محمد وعبد الله وتركي وجَلاّل وباق الفروم اللي تفك العواني=اللي على كبد المعادين سلال قلته وانا المعبود ربي حباني=باللابه اللي كلها زحول ورجال عيال راشد محتمين الكياني=اليا اعتزوا بالعود رجفه وزلزال صفاتهم مابين انسٍ وجاني=لا جا نهارٍ فيه تنشاف الاهوال ونحورهم تصبغ من الدم قاني=اليا ادبر اللي خانه العم والخال لبّاسة ٍ للجوخ والجبــَّخاني=يوم انها مابين رجلي وخيال وعند اللقا ما يرتضون الهواني=لهم ثباتٍ فيه تضرب الامثال للضيف والجيران ريف وحناني=ومزبان من حدّوه يم اشهب اللال هذا وانا حربي معرّب.. ولاني=ناسٍ مفاخر حرب منجم الابطال اهل الشرف سكان لاقدس مكاني=واهل الوفاء والدين ماهي بالاقوال واهل الشجاعه والكرم والبياني=واهل المباد الثابته عبر الاجيال اهدي لهم قلبٍ محبٍ لياني=لينه لهم ... والا على الضد ميّال وصلوا عدد ما صام من مودماني=واعداد دورات القمر بدر وهلال على نبي ٍ حاز سبع المثاني=وخصّه وليّه بالنبوه والارسال --------------- وسلامتكم |
رد: فرز اللؤلؤ اخي ابو عبد العزيز صح اللسانك كفيت وفيت نظمت فاجزلت دمت بود |
رد: فرز اللؤلؤ صح لسانك المساجلات تنتظر كم تشتاق لبيوتك الجزله لله درك كل يوم تتحفنا بلؤلؤه جديده سجل اعجابي ابا عبدالعزيز |
رد: فرز اللؤلؤ العمر قفى لامتى نصير جهال أبو عبد العزيز اللى قلبه خضر ماتقنعه هالسوالف قال العمر قفى ( صلى على النبى ) واللى عمته كبر أباني مايحب ويكره صح لسانك أبو عبد العزيز قلت وأجزلت تقبل مرورى تحياتي للجميــــــــــــــــــــ ــــــع |
رد: فرز اللؤلؤ اقتباس:
صح بدنك ولاعدمت هذا الحضور الكريم دائماً سباق ، ولذلك نبذل من اجل هذه القلوب الكبيره اشكرك لاهنت .................... |
رد: فرز اللؤلؤ اقتباس:
ومجلس المساجلات هو توام الروح لهذا المجلس ونحن نتفيأ دائماً بظلالهما .......... صح بدنك وابشر بما يسرك لاهنت ...................... |
رد: فرز اللؤلؤ اقتباس:
كم يسعدني وانا اضحك من قفشاتك مع فطور الصباح .... هذه الاشادة باخيك وهذه الابتسامات هي وقود العطاء من اجلكم وهي سرور النفس وغذائها ...... ولا تدقق واجد الله يهداك :) صح بدنك وسلمت لاخيك لاهنت ....................... |
رد: فرز اللؤلؤ ابو عبد العزيز صح لسانك وسلم بنانك أشكر لك طيب المشاركه وتقبل مروري على عجل ودمت على خير |
رد: فرز اللؤلؤ ابو ياسر صح بدنك وسلم الجنان والبنان والعفو هذا شيء من الواجب لاهنت ............................. |
رد: فرز اللؤلؤ صح لسانك ياخلف الفريدي أبدعت إبداع جدير أشكرك جزيل الشكر تقبل مروري |
| الساعة الآن 10:40 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir