مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   انا وليفي ..محليه ربّه !!! (http://www.alfredah.net/forum/threads/alfredah7840/)

خلف الفريد 26-05-08 03:03 PM

انا وليفي ..محليه ربّه !!!
 
لاخي الشاعر الرقيق علي الجضعان قصيدة جميله في هذا المجلس وهي
مثبته وكل يوم امر عليها واستمتع بها واشعر بعذابات هذا المخلوق الرومانسي
..... و لان حبيبي غير !!! :)
اهدي ابو عمر والجميع هذه الابيات :



كان اشتكى العشاق لوعه وهجران=انا ارتويت من الوفاء والمحبّه
انا وليفي ... لاعدمته ولا هان=بعيون كل الخلق ...محليه ربه
كيف اوصفه..عوده من الزين ريّان=ردف وعيون وخد ... مع بـِيض لبّه
وليا مشى كنه من الارض زعلان=عنها يتوطـّا البَيض ..حَبه وحَبّه
ولا يلتفت لو حوله الانس والجان=ولا يزعجه صوت الغزل والمنبه
واليا تصّرف يازن الفعل باتقان=عقله ثقيل ...وحاسبٍ للمغبه
ولو اختلفنا شوي ..في بعض الاحيان=نحلّها ... من دون عنف ومسبه
ثم تنتهي ..مافيه صايب وغلطان=ولا نترك الحبه ... لها حجم قبه
ونترك فضول الهرج فاضي ومليان=ونقاشٍ يكدّر غلانا .... نكبه
هي تعتبرني قيس لكن بلا جنان=وانا اعتبرها ليلى هاللي تحبه
يابو عمر معذور .. مغرم وهيمان=لكنّ سوق الحب..كل ٍ يطبه
هاذي معان الحب عندي ..وذيبان=شربت لي من كاس ..قبلي شرب به
يعطي دروسٍ ماتقدّر بالاثمان=تشدى زماليق الحيا .. وسط خبه
آبا آخذك بالجمس مع خدر الاعيان=ونمر حايل .. ونتمثنى لـ .. جُبّه
واليا وصلنا الجوف ناخذ بالأيمان=وننحر ابو راكان ..ونشوف طبه

.................
وسلامتكم

غازى بن عجاب أبوزوايد 26-05-08 03:43 PM

رد: انا وليفي ..محليه ربّه !!!
 
ابوعبد العزيز أخوى الكبير

الحمدللـــــــه لى سبق المشاركه

صح لسانك وإعتلا شأنك و يازين حب الرجال العاقل

أما موضوع بن جضعان مادام مثلك وراه ماينخاف عليه وبو راكان كفو ذيبان اللى مثله ماتبحل فيه



تقبل تحياتي

تحياتــــــــــــــــــــ ـــــي للجميع

خلف الفريد 26-05-08 04:24 PM

رد: انا وليفي ..محليه ربّه !!!
 

ابو فيصل
هلا هلا ومرحبا
دايم سباق للعلم الغانم لاهنت
والكره الان في ملعب بن جضعان !!!!!!!!!!!!!!!!!
اشكرك على المرور وحسن الشعور يابن عجاب
تحياتي
....................

فهد الهديب 27-05-08 07:03 AM

رد: انا وليفي ..محليه ربّه !!!
 
أقرأ ... أعود وأقرأ ... أكرر ... أتمعن بالكلمات
جماليات كثيره ... والله جميله
وتعجبني حداثة القصيده والتي تتمشى مع الجيل المعاصر
ابو عبدالعزيز
شكراً على هذه اللوحه الرومانسيه الزاهيه بكل ما تحمل هذه الكلمه من معنى
.. جماليه أستسقيتها من معين لا ينضب .. ونحن ننتــظر كل ما هو جديد
دمت سالماً




واليا تصّرف يـازن الفعـل باتقـان = عقلـه ثقيـل ...وحاسـبٍ للمغبـه
ولو اختلفنا شوي ..في بعض الاحيان = نحلّها ... من دون عنـف ومسبـه
ثم تنتهي ..مافيه صايـب وغلطـان = ولا نترك الحبه ... لها حجـم قبـه
ونترك فضول الهرج فاضي ومليـان = ونقـاشٍ يكـدّر غلانـا .... نكبـه
هي تعتبرني قيس لكـن بـلا جنـان = وانا اعتبرهـا ليلـى هاللـي تحبـه

علي الجضعان 27-05-08 12:37 PM

رد: انا وليفي ..محليه ربّه !!!
 
اقتباس:

المشاركة الأصلية كتبت بواسطة خلف الفريد (المشاركة 64728)
في كل يومٍ اشوف عنوان قصيدة ابن جضعان المثبته اعلاه احس بالالم
واشعر بعذابات هذا الانسان الرومانسي الرقيق وتأوهاته !!!!
وخوفاً من العدوى وحباً في المساعده اليكم هذه النبضات :


كان اشتكى العشاق لوعه وهجران=انا ارتويت من الوفاء والمحبّه
انا وليفي ... لاعدمته ولا هان=بعيون كل الخلق ...محليه ربه
كيف اوصفه..عوده من الزين ريّان=ردف وعيون وخد ... مع بـِيض لبّه
وليا مشى كنه من الارض زعلان=عنها يتوطـّا البَيض ..حَبه وحَبّه
ولا يلتفت لو حوله الانس والجان=ولا يزعجه صوت الغزل والمنبه
واليا تصّرف يازن الفعل باتقان=عقله ثقيل ...وحاسبٍ للمغبه
ولو اختلفنا شوي ..في بعض الاحيان=نحلّها ... من دون عنف ومسبه
ثم تنتهي ..مافيه صايب وغلطان=ولا نترك الحبه ... لها حجم قبه
ونترك فضول الهرج فاضي ومليان=ونقاشٍ يكدّر غلانا .... نكبه
هي تعتبرني قيس لكن بلا جنان=وانا اعتبرها ليلى هاللي تحبه
يابو عمر معذور .. مغرم وهيمان=لكنّ سوق الحب..كل ٍ يطبه
هاذي معان الحب عندي ..وذيبان=شربت لي من كاس ..قبلي شرب به
يعطي دروسٍ ماتقدّر بالاثمان=تشدى زماليق الحيا .. وسط خبه
آبا آخذك بالجمس مع خدر الاعيان=ونمر حايل .. ونتمثنى لـ .. جُبّه
واليا وصلنا الجوف ناخذ بالأيمان=وننحر ابو راكان ..وتشوف طبه

.................
وسلامتكم





[font=Arial Narrow]
ابو عبد العزيز لاخلا ولاعدم تبقى فزعتي وعزوتي وجهز الجمس تكفي لاتخليني


تبي تقهرني في تفاهمكم الله اللي بلاني فيه

لله درك كل يوم لك طله حلوه بصرا عندي
حه وإلا يزعل ناس بلاش 0000

تقبل شكري على الاطراء والمجاراه وأتفهم المعاناه وتبقى اغلى الناس

تحــــــياتي



[color=008000]والشكر موصول لمن ثبت قصيدتي الله يطول عمره وذوقه دائماً رفيع

له مني عبر هذا المنتدي الشامخ حبة خشم واتمنى ان أكون عندحسن

الظن وألامس أذوقكم اعيال عمي الكرام هذا كل ماتمناه ودمتم
[/color][/font]

خلف الفريد 27-05-08 01:08 PM

رد: انا وليفي ..محليه ربّه !!!
 

ابو مشاري
لي الفخر ان تلامس هذه المتواضعه ذوقكم الرفيع
ولي الاعتزاز ان تحوز على رضا الجميع .............
مرورك دائماً اخي الحبيب موضوع متكامل وراقي ..
اشكرك على جميل الاختيار والانتقاء
لاهنت
...........................

خلف الفريد 27-05-08 01:18 PM

رد: انا وليفي ..محليه ربّه !!!
 

ابوعمر
هلا ومية مرحبا
تضل ابا عمر دائماً الروح المرحه التي تضفي علينا جواً من الانس سواءً
اشعارك او ردودك او مواضيعك الاخرى
وبصراحة انا اتتبع خطواتك في المجالس الاخرى واجد بصماتك واضحه
ولهذا احاول مشاكستك لتخرج لنا هذه المداعبات الجميله والحروف الورديه
اشكرك على مرورك وكلماتك الاخويه لاعدمتك
لاهنت لاهنت
,,,,,,,,,,,,,,

مقبل بن نمران 28-05-08 09:38 AM

رد: انا وليفي ..محليه ربّه !!!
 
أبو عبد العزيز

صح لسانك وإعتلا شأنك

متابع هذه الإخوانيات بكل محبه

مع الشكر والتقدير لكما

ولاعدمتم روح المحبة

خلف الفريد 28-05-08 04:38 PM

رد: انا وليفي ..محليه ربّه !!!
 
اقتباس:

المشاركة الأصلية كتبت بواسطة مقبل بن نمران (المشاركة 64836)
أبو عبد العزيز

صح لسانك وإعتلا شأنك

متابع هذه الإخوانيات بكل محبه

مع الشكر والتقدير لكما

ولاعدمتم روح المحبة


عقيد القصيد
صح بدنك ولا عدمنا هذه الطلة الرائعه .......
تضل حروفك ابا ياسر من اقوى الدوافع لنتواجد هنا بكثافه ...
وقد تراقصت ابياتي طرباً على جمال صوت حاديها ...
اشكرك لاهنت
....................


الساعة الآن 09:55 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52