|
ياعقاب ياللي تسحب الريش مكسور السلام عليكم ورحمة الله وبراكاته مناسبة القصيدة / أني وجدت عقاب مكسورً جناحه في مكان بر ولا يستطيع أن يطير ويدلي عليه غراب وقلت هذه القصيدة 0
ياعقاب ياللي تسحب الريش مكسور=عقب الطرب يلعب عليك الغرابي يدلي عليك محرث المرح والدور=يوم شاف عجزك وإمتحان الصوابي واليوم ماتقوا على صيد عصفور=والطير والله ماحسبلك احسابي هواك حومات السماء وانت مقهور=وفارقت جوك والطوال النوابي وأنته على ريشن على الأرض منثور=حزين لاكن طاح والعظم عابي ولا جابرن نفسك ولانته مجبور=وقربك عشاء لمشوكات النيابي تلبد ملابيد الرخم جاحر الغور=ومن كثر ماتمشي دمرت الحرابي والله من يومن خذيب الفضاء دور=بين الهضاب وبين مجرى السحابي واليوم أشوفك في مخاميل وحفور=وقعت من عقب الرفاع الجنابي دنين بها ياعقاب ماطال مقصور=وياما كلت ياعقاب راسن صحابي شرسه ليا جارت يجي جورها جور=منها رضيع الديد ياعقاب شابي وقدمك كلت ياعقاب فكاكت الخور=راحوا طبيعه مع هيال الترابي ويامهم من دونها مرت أعصور=وخبارهم ماثر عليها الدوابي وقبارهم ياعقاب بالقبر مقبور=والكل وعماله نهار الحسابي والمسلم المومن مبشر ومسرور=والكافر المشرك يصال العذابي يومن به الشيطان خايب ومدحور=اليا وصل ميعاد حرم الثوابي وكلن لقاء ماضيه باللوح محصور=عارين مالبسو لباس الثيابي الوزن بالميزان والشبر مشبور=ويندم على ماضيه عفن الزهابي والحق حق وفاعل الحق ماجور=والعالم الله يوم فتش المخابي ولا أنت طير وجاهلن كل مذكور=ويعلم مصيرك خالقك يالعقابي وحالك سبب ياعقاب تصخير مصخور=شفت الرخم لعقابها ماتهابي حتى الغراب اللي تقل راس خيضور=يدلي عليك عقاب راع الخرابي عقاب دبدوبن رضع بسفل الزور=طيرن عشاه مقيلات الدبابي وأنت الخطير اللي على درب مخطور=وعليك زاد أنواع عد الذيابي ولا هو عليك اليوم والأمر مامور=والأمر للخلاق مرس الهضابي ويا عقاب معك عقبان حضربها الدور=يسوقون لاكن ماتطيع الركابي والشور عند اللي مضى مالهم شور=وحاضرك ماهو للقديم أصطحابي وأم الضناء ياعقاب طلعتبها طيور=والمرمره سدت مسد الذرابي وحبرونها مغوار وعقابها ذور=وهذا الزمن ياعقاب سوى أنقلابي والحق ماجودن يشاهد وماثور=بيوته على عمدانها راس نابي مبني ويبناء بناه وينور السور=أشعاره علمنا والسيوف الحدابي والفضل للي سقط الظلم بالنور=هو ناصر الأسلام جال الضبابي وميزان حق وناصر الحق مشكور=من خص خلاقه عليه المنابي هذا وعلى داعيه لغيابها حضور=من صح ماهو ميضحان السرابي والهرج له سبار والسبر مسبور=ومنافقينه بالقلوب ألتهابي وعندي خبر عن دايج الهرج مدمور=دوار زلات الملا كل هابي واسكر المنفذ على كل محذور=قولن على داعيه واضح وجابي ماهي قواف المدعي كل هاذور=اللي نقص ماقال وزن الأدابي وحال الكسير أحضار قافي على الفور=ومن الله على هداج عذب الشرابي وتم الجواب اللي على الصح مزرور=جانن ثمر ماطاب من ذوب ذابي والعرف يلقى عن لقاء العسر ميسور=ومجرب الدنياء مشاها أنسيابي |
رد: ياعقاب ياللي تسحب الريش مكسور والله يا ابن ردمان انها قصيده جزله ما اقول الا صح لسانك قريتها 3 مرات من شدة اعجابي بها وبابياتها الملظومه مثل الخرز وقاف عظيم جدا من شاعر متمكن وابيات رائعه ,, وعندما شبعت من قراءتها ,,, قمت اتخير بالابيات فوجدت ابيات كثيره بالقصيده رائعه وسوف يجد غيري ومثل ما قال كاظم الساهر ( كلك على بعضك حلو,,,),, وهذه هي الابيات الكثيره التي تخيرتها ووصلت الى قمة ذوقي ,,, وقد احسست بعظم الكلمه وارتقائها في داخل ضميري صح لسانك ,,, صح لسانك ,,, صح لسانك مليون ياعقاب ياللي تسحب الريش مكسور=عقب الطرب يلعب عليـك الغرابـي واليوم ماتقوا على صيـد عصفـور=والطيـر والله ماحسبلـك احسابـي ولا جابرن نفسـك ولانتـه مجبـور=وقربك عشـاء لمشوكـات النيابـي والله من يومن خذيب الفضـاء دور=بين الهضاب وبين مجرى السحابـي واليوم أشوفك في مخاميـل وحفـور=وقعت من عقـب الرفـاع الجنابـي شرسه ليا جارت يجي جورها جـور=منها رضيع الديـد ياعقـاب شابـي وقدمك كلت ياعقاب فكاكـت الخـور=راحوا طبيعـه مـع هيـال الترابـي وكلن لقاء ماضيه باللوح محصـور=عاريـن مالبسـو لبـاس الثيابـي الوزن بالميـزان والشبـر مشبـور=ويندم على ماضيه عفـن الزهابـي وأم الضناء ياعقاب طلعتبها طيـور=والمرمـره سـدت مسـد الذرابـي وحبرونهـا مغـوار وعقابهـا ذور=وهذا الزمن ياعقاب سـوى أنقلابـي وعندي خبر عن دايج الهرج مدمـور=دوار زلات الـمـلا كــل هـابـي واسكر المنفـذ علـى كـل محـذور=قولن على داعيـه واضـح وجابـي |
رد: ياعقاب ياللي تسحب الريش مكسور الأخ العزيز ذيبان صح بدنك مليونين أشكرك على مرورك المشرف وكلامك الطيب بيض الله وجهك الله يعطيك العافيه |
رد: ياعقاب ياللي تسحب الريش مكسور ابن ردمان صح لسانك ولاهان رأسك وكما ذكرت هذي حال الدنيا تصوير متقن وربط حال العقاب مع الوضع الراهن ونصح وتقرير مصير وتوكيل الأمور للباري عز وجل ولاتستغرب الجزاله من اهلها تقبل تواجدي ومروري ومحبتي |
رد: ياعقاب ياللي تسحب الريش مكسور ابن ردمان عقاب ’ غراب ’ حبرو ’ أقول صح لسانك وأنا ذكرت الحبروعندما قلت ( حبرونها ) لأن الحبرو يمكن فيه ناس ماتعرفه والحبرو مثل الخرب وأكبر منه شوى ( ذكر الحبارى ) قصيده قرأتها أكثر من مره وكلها عبر وحكمه صح لسانك صح لسانك تقبل مرورى وتقبل تحياتى تحياتي للجميع |
رد: ياعقاب ياللي تسحب الريش مكسور ابن ردمان قصيدة غاية في التمكن والجزالة ولو أننا لمسنا منها شي من الشمات بحال العقاب . لكن هي جملة حكمة راقية وموعظة مطلوبة ، أبدعت فيها بربطك للنهاية في الدنيا بالنهاية بالآخرة والحساب والميزان . أسجل إعجابي بالقصيدة الراقية وأكثر ما أعجبني بالقصيدة والقصيدة كلها قمة الروعة ، الأبيات التالية :
دنين بها ياعقاب ماطـال مقصـور=وياما كلت ياعقاب راسـن صحابـي
وقبارهـم ياعقـاب بالقبـر مقبـور=والكـل واعمالـه نهـار الحسـابـي
وكلن لقاء ماضيه باللـوح محصـور=عاريـن مالبسـو لبـاس الثيـابـي الوزن بالميـزان والشبـر مشبـور=ويندم على ماضيه عفـن الزهابـي والحق حق وفاعـل الحـق ماجـور=والعالـم الله يـوم فتـش المخابـي صح لسانك وعلا شانك . والله يرحمنا وياك برحمته يوم فتش المخابي تقبل مروري وإعجابي |
رد: ياعقاب ياللي تسحب الريش مكسور ابن ردمان صح لسانك قصيدة جزله من شاعر عودنا على الجزاله |
رد: ياعقاب ياللي تسحب الريش مكسور صح لسانك اخي الشاعر الرائع ابن ردمان ابيات رائعة وقصة وموقف جميل وتصوير فني صح لسان واعتلى شانك |
رد: ياعقاب ياللي تسحب الريش مكسور قصيدة جزله كلها عبر واعتبار وهذا التصوير والاحاطة لايأتي الا من شاعر متمكن وخبير في مجاله استمتعنا واعتبرنا واعجبنا بهذا الجمال التصويري اشكرك يابن ردمان على هذه الجزالة والجمال لاهنت ........................ |
رد: ياعقاب ياللي تسحب الريش مكسور الأخ مقبل بن نمران ،، الأخ غازي بن عجاب أبو زوايد ،، عبدالله بن غنام ،، ناصر بن راكب ،، أبو يزن ،، خلف الفريدي 0 صح بدن الجميع مشكورين على المرور المشرف وكلامكم الطيب 0 بيض الله وجيهكم الله0 يعطيكم العافيه 0 |
| الساعة الآن 11:46 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir