يا مرحبا ترحيبةٍ كلها أوقار= بابو محمد والرجال المناعير
اللي لهم بالقلب حشمه ومقدار= وايضاً لهم في سلم المجد توقير
ترحيبةٍ تعزف على لحن الأوتار= ألذ وأحلى من حليب المغاتير
يازيد بن حماد يانسل الأحرار= أهلاً هلا بك عد ماغرد الطير
شيخ العتامة هل العرف والكار= اللي نهار الكون تنطح طوابير
عيال راشد لاكتسا الجو بغبار= سيوف والله بالملاقا بواتير
دلالهم تركا على حامي النار= وبيوتهم تلفي عليها المسايير
بقدومكم جتنا السحايب والأمطار= والدار خضراء والفيافي نواوير
عن المواسا كلها أكبار وأصغار= لضيوفنا واللي حضر ألف تقدير
ولشيخنا أحمد مكرم الضيف والجار= عز الله انه مايجي منه تقصير
وفردة العلا بالحيل وافين الأشبار= عن المراجل مالهم يوم تأخير
ساس الوفا والنعم في ذيك الأوكار= ربعي ليا عدّوا ترى وصفهم غير
في ظل عز المملكة تاج هالدار= عبدالله اللي شجرته كلها خير
آل السعود معسفة قب الأمهار =حكامنا اللي قادوا الركب والسير
و يا مرحبا ترحيبةٍ كلها أوقار= بابو محمد والرجال المناعير