الجيب منوت بعيد الدار والمشوار=لاصار ماله طريق أزفلت ينهجله
ممشاه منصا مع العسرات له معبار=عليه مولع ضميرن ماثنا رجله
يسرق بعيده بدورات الكفر لادار=يحذف الكيالو ورا والبعد يسهجله
صاروخن أرضي ويبيله سايقن جبار=جبار صحرن يبرمج لرضها سجله
مافيه مسعف خلن خالي ولا من قار=عليه ذيبن سرى والنور يسرجله
من بعد شوفه يصيرن الكبار أصغار=بعينه اللي منه سرى من طارن أزعجله
أليا أشتاق وده يشوف الفاتن السحار=يسحر بزينه حضر طاريه وأدرجله
يازين عوده جميل وساقه الجمار=وسراه ودن بقلبه راح من لجله
من مابقلبه دعى الداعي الصخار=ريم الصحاري سحر مغليه في نجله
وشو مقرب بعيد المولع السهار=اللي البوارق على يمه تلاعجله
الجيب شفه إذا كان الدروب أعسار=يطوي بعيده ورى والرقم ينسجله
ميه بالميه نجوح الطيب الصبار=راعيه يضمن بعيد الخط محرجله
لو هو بعيد وخلن محفوف بالأخطار=يقرب بعيده ومن المشوار يفرجله
لاراح ينضم على مداه للأمتار=طي الصحاري ويدن البعد من عجله
برضن تجوع ويحيش الذيب ماله جار=بها المزارع ماداج ولا زرع فجله
صحرن خليه من الأوناس والديار=مبعد ثراها وهليك العرق يلهجله
بيام قيضن هبوبه مثل لفح النار=نارن توهج هبوبه صلف وسرجله
سناه يلهب لميتات الخشب سعار=عصا المطافي ولو تسحب نهر دجله
الجيب يودي غريب الدار لارض الدار=يودي عريبه وضيق الصدر يبهجله
الجيب ماله عياب ومنوت المختار=ومع المعاسرطريق الجيب يولجله
الجيب طيب ويجوز للسايق البيطار=ولاهو بجايز لشار الجيب يولجله
أبعد ماياصل مقر الدار والدوار=الجيب مركب قريب الدار سمجله
ليته يدور غيره والحديد أكثار=الضلم حرم حرام ولا يتولجله
ياطيب عرضه رفيع القدر والأسعار=عسر الصحاري وسهل الأرض برمجله