|
استسقيت الشعر هذه من الحوليات الغزليه التي لا اكتبها الا في الشتاء
الشعر من شانه استسقيته الليله=تشابكت في خيالي مزنه وسحبه احيان من ضيقي استسقيه واخيله=واحيان لاجيت ابشرح حاجه اشرحبه وكان الكتابه عن العشق وتهاويله=ودروبه الضيقه وفجوجه الرحبه والحب واجواءه اللي مابها حيله=وشعوره اللي بصدري ماقضى نحبه والشوق وجنونه وباقي غرابيله=والوصل والقرب والغيره من الصحبه وعتاب الاحباب من ليله ليا ليله=وعذر المحب لحبيبه لا تسلح به والموقف الشيق بكامل تفاصيله=لا رحت تفرح بتحليله وتسرح به والشارع اللي وحيف الريح يحكيله=لا هب سر الهوى كنه يصرحبه يلعب باالاشجار يامرها وتثنيله=والنافذه من وراها عنه منسحبه والبرد والليل مضوية قناديله=والذكريات الحزينه يوم تصدح به لابد ماتبدع الكلمه وترويله=احساس متوقف بقلبي ويجمح به لاحل فصل الشتاء يبدى بتفعيله=باالعاطفه واتمسى واتصبح به ياجر قلبي عليه وياغرابيله=الموعد اللي جمعني فيه روح به روح ولا باقي الا اتلى مراسيله=اعرض حروفها قلبي تجرح به روح وان كل احاسيسي تناديله=معها وفايه ليا ناظر تلوح به ظروفي المقفيه تمنعني اجيله=وظروفه المقفيه عيت لا تسَمح به |
رد: استسقيت الشعر ابن سدحان صح لسانك ودام مدادك الجزل على عكسك تماماً بعض الشعراء يمرون بالبيات الشتوي فيما أنت تسامر طيف المحبوب وذكراه تغرق مدارات الغزل بهذه المقطوعه الملتحفه بصور الشعر الجميلة وهذا الإبداع السابح بمفردات الجمال وعلى الخير والمحبة نلتقي |
رد: استسقيت الشعر رائعة أبو عاصم قصيدة سموت فيها بسماء الإبداع فدم بسماء الإبداع صح لسانك مليون ولا تحرمنا من هذه السبحات ونحن بإنتظار المزيد |
رد: استسقيت الشعر اقتباس:
الاشكاليه لدي هي اذا ماكانت هذه الرائعه محبوسة منذ الشتاء !!! الم يكن من الانصاف ان لا يمسها هجير الصيف !!! نثرت هنا ابداعاً لايليق الا بقامة كقامة ابن سدحان اشكرك على هذا الرقيّ الشعري الادبي !! وتقبل حبي واعجابي |
رد: استسقيت الشعر |
رد: استسقيت الشعر اخواني مقبل بن بمران عبدالله الغنام خلف الفريد ناصربن راكب انتم قبل كل شي تستحقون التكريم وانا اعرف مدى الجهد الذي تقومون به في سبيل ظهور هذاء المنتدى بهذا الشكل لكم كل الشكروالتقدير ودمتم غانمين |
| الساعة الآن 07:50 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir