يابعد فرق اليوم عن ماضي الزمن=حتى بجوه والهبوب وسمايمه
عجلن خميسه خمس وربع ربوعه=وفيه المشاكل كالبحور العايمه
ولو فيه راحه ماتريح نفوسه=ونفوس بعض الناس عافت ولايمه
مره غلب حاليه لو فيه حالي=ياكثر بياعه وياكثر سايمه
دارن سنينه واستدارن وغيرن=ناره بتراثه ولعتبه ضرايمه
هذا الزمن لو زان وعجب لناسه=لابد ميخالف مداره قدايمه
وين الطبيعه فيه من كل كاين=اللي عليه أجواه ياناس غايمه
لايازمانن فيه عدلن ومايل=شديد يقوا ماقونه ضلايمه
كسار جبار العظام الكسيره=ولا يتعذر من خطاه اللايمه
مخضع جناحه للتوالي وشالها=وقامت تلاعب فوق جاله بهايمه
ولا عاد يستنكربه الشاذ والخطأ=أمور ماهي للسليم ملايمه
ويابه جماميلن تحب المجامل=من شان جذاب النفوس مهايمه
وزاد الحسد بصدور ناسه وبرضه=وزادن معاييره وزادن شتايمه
وراع النفاق أصبح يجامل ويسمع=أصبح يجامل في هواه وغرايمه
راع الجهود الخاسره والبذيه=طراد محذوف الهوادي بقايمه
اللي زروعه مرتن حنظليله=خبيث مكروهن كبارن جرايمه
نفسه تشيل من المحن والمصايب=تشيل وزنن ماتشيله قوايمه
خداع ماسوق اللعين وطاعه=ولا تامنه عينن سهيره ونايمه
دواج بين الناس دوار للاذا=داوج حايم حامت عليه الحايمه
ومن خافي أسلوبه به الناس تغتر=واللي أسمعوله فيه غرقا وهايمه
وأنا سمعت وشفت من عرض غيري=وأشوف من ضنه لياليه دايمه
أشوف لي ناسن تصوم وتصلي=وعن الحلاو المر ماهي بصايمه
ولا قول كل الناس وبراي لله=الظلم على أسمه ظلم والنفس شايمه
ثوبن على العريان طوله وقده=والصح خصمه من وسايق هزايمه
قلته على شان الزمان ومابه=والخص والمقصود نكسا هلايمه
ولا يعاتب الزمان والكل يدري=ولا عليه من الطليب وحشايمه
تعبير وقالوا من تواجد تكلم=مدام عرفه يحملنه سلايمه