طلحه يعل السيل يسقي جنابه من قصائد علي بن عبد الله الطهيمي
راكباً من فوق غال المثامين= اسم البريمي بالخليج انتسابه مزودين امواصفاته بالتحسين=ماكنه الا كاسبينه كسابه نبي نسير يم دار المسمين=دار الفريدي والاسامي تشابه دارن حموها ملحقين المخلين=طلحه يعل السيل يسقي جنابه وعلى عموم بلاد كل المسلمين=مزنن من المنشا يعزل ربابه ياسامعينن كلمتي قولو امين=منا الدعا والله عليه الاجابه هل الصخا والطيب ماهم خفيين=دارن لها التاريخ يشهد كتابه يحمل بصفحاته فعول وبراهين=من لاقراه ينشد الي قرابه الحق مايزعل ولا يرضي اثنين= والناس مرضاها حديث الصحابه |
رد: طلحه يعل السيل يسقي جنابه صح لسانك أبو عبدالله وآ مين آمين الله يغيث بلاد المسلمين ويستاهلون الطيب أهل طلحة |
رد: طلحه يعل السيل يسقي جنابه وصلتني برسالة جوال فكان هذا الرد من الشاعر / منيف الوسوس ولايسعني الا ان اشكر الشاعرين واخص شاعر المجالس علي الطهيمي الذي يتحفنا بكل جديد
هلا هلا يامرحبا فيك وهلين=عد الحروف وعد خط الكتابه بالصاحب إللي غايبن فوق عامين=وحنا نتمنا شوفته واللقابه غالي وله حشمه ومن ناس غالين=طيب وفوق الطيب وصل وقرابه طلحه بمثله تفتخر دوم وتزين=علي الطهيمي ياهلا ومرحبابه وساوسه نفخر بكل العريبين=اهل المكارم والشرف والمهابه اللي لهم بالطيب فعل وعناوين=ورد الثنإ واجب وهاذا جوابه اخوك منيف الوسوس |
رد: طلحه يعل السيل يسقي جنابه صح لسانك يابو عبدالله يستاهلون اهل طلحة اهل طيب وعلومن غانمة ما يمدح الرياجيل الا اطيبهم |
رد: طلحه يعل السيل يسقي جنابه وفاء بوفاء صح لسان ابو عبد الله على هذه القصيده التي كلها حب ووفاء وصح لسان ابو راكان ، كان رد الثناء على مستوى الممدوح ويستاهلون خوالي اهل طلحه محبوبة ابو نواف رحمه الله ......... عبد الله اشكرك على هذا النقل الجميل لاهنت |
رد: طلحه يعل السيل يسقي جنابه مشكور عبدالله على النقل وصح لسان الشاعر علي الطهيمي والوفاء طبعه ومن اهله. |
الساعة الآن 12:13 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir