|
منت ميت قبل يومك ولا حياٍ وراه من قصائد الشاعر: علي بن عبد الله الطهيمي
راكب اللي لاشرى واحد<ن> مثله شرى=ما يرده راعي الصنف من دونه غلاه ابيض<ن> بالون مركب حكومه وومرى=من بلاده جابه المال والمال اشتراه لازعجته وستوى القار مامعه اخشرى=مايحالي كود هفَت مع الجمه حصاه كن صوته صوت ماصن مع الجو يعرى=الجبال تجاوبه والهوى تزعج صداه القدر مايمنعه كود خلاق البرى=منت ميت قبل يومك ولا حياٍ وراه واعذابي وعنى القلب من طاراً طرى=إيتجاهل راعي الشور لامنه نهاه شوفتي للي يهلي اليا منه درى=والسوالف والمعاني لها عنده طراه حبها ياعاذل القلب مع دمي جرى=والهوى ماني بالاول ولاخر من مشاه جعل من يزرى عليه كفيف<ن> مايرى=مايقدم خطوته كود لاقدم عصاه |
رد: منت ميت قبل يومك ولا حياٍ وراه هنا نستطيع أن نتذوق الجزاله بقالب الغزل ونبحر في جمال التركيب الشعري مع الشاعر الجميل صح لسانه وإعتلا شأنه وسلمت يمينك يا عبد الله على التميز |
رد: منت ميت قبل يومك ولا حياٍ وراه شوفتـي للـي يهلـي اليـا منـه درى والسوالف والمعاني لهـا عنـده طـراه وال يابوعبدالله أثرك هواوي الى هالحين القلب الخضر مايابس عزالله ان حبها كاويك ابوعبدالله قصيده تملك جميع مقومات الجمال روعه روعه ولاهو غريب عليك الجزاله في المعنى شاعرمتمكن تقبل تحياتي |
رد: منت ميت قبل يومك ولا حياٍ وراه صح لسان ابو عبد الله شاعر جزل ومتمكن وشعره يتميز بالجمال والذوق الراقي وهذه القصيده سبق ان ارسلها لي بالجوال لانزالها ولكني انشغلت فجاء شبل من ذاك الاسد واكمل المطلوب حفظه الله وللحقيقه ارسل لي قبلها عدة قصائد لم اتجّمل بانزالها لانشغالي واعتذر لأبي عبد الله اشد الاعتذار ................. عبد الله حياك الله وسلامات الغيبه لا تقاطعنا ومشاركات الوالد انت احق بانزالها وتحياتي للوالد ولك لاهنت |
رد: منت ميت قبل يومك ولا حياٍ وراه عــبــدالله عــلــي الــطــهــيــمـي صــح لــســانــك عــلــى الــقــصــيــده |
رد: منت ميت قبل يومك ولا حياٍ وراه الشاعر المبدع : علي الطهيمي صح لسان يبو عبدالله دمت لنا شاعرا مبدعا يهتم بمجالس ربعه وهكذا انت دائما تجمع بين جزالة المعنى وعذوبة اللفظ والشكر موصول لاخي عبدالله على نقل عذب القصيد |
| الساعة الآن 07:41 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir