مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   من والد الجميع الشاعر الكبير شريف الى مجالس الفردة (http://www.alfredah.net/forum/threads/alfredah7129/)

منصور الوسوس 07-04-08 10:22 PM

من والد الجميع الشاعر الكبير شريف الى مجالس الفردة
 
السلام عليكم ورحمة الله وبركاته
هديه لجميع اعضاء مجالس الفرده ...........
الشاعر الكبير : شريف بن راكب لا اقابله الا ويسال عن
المجالس وكيف الوضع فيها عندما اعطيه الاخبار يفرح
ويثني على الجميع واتقبل منه مجموعة من التوصيات الا
انه خلال زيارتي له اختلف الوضع حيث او جز وصاياه
بقصيدة جميلة جدا يريد ان يشحذ هممنا جميعا ويهدي بعض
التوجيهات من خلال ابيات قصيدته التي تقول :


يقول من صاغ المثل عن قناعه=يارب تجعلني عن الحق ماتيه
ابجتهد وابشترك بالطماعه=من شان صرحٍ كل الاشراف تبنيه
اطماعتي توحيد راي الجماعه=لو كان كلٍ فاهمٍ دون توجيه
مفروض مع غزو الفضاء والصناعه=ناضع لنا مركز تضامن وترفيه
وان خلي التحليل بعد الاشاعه=ونبعد عن الصورة مجال أي تشويه
مطلوبنا بالسوق غال البضاعه=قدم يجي لكنوزنا يوم تمويه
نبي من الشاعر طرايف ابداعه=ونبي من الراوي خبر صح يرويه
ونشره على يمناً تجيد الطباعه=لاصار ما تاخذ من العقد صافيه
وترى اهمال المال سبة ضياعه=يطمع به السارق الياغاب راعيه
ويقال عن من لاشرب في ذراعه=يدين غيره ما يعوضٍ بيديه
ما كل من حصل خبر علم ذاعه=من لايركز للهدف نوب يخطيه
ولاكل رجالٍ يجيد اندفاعه=من دون عرف مكحل الطرف يعميه
ومن كان ماله بالمجال استطاعه=محدٍ يقول لفاقد الشي يعطيه
ويعيش من ذي فكرته واختراعه=برضاه خلاق البرايا يجازيه
ويشكر بعد من طال بالمجد باعه=وعلي للطيّب حقوق ومشاريه
وصلوا على المبعوث راع الشفاعه=وشكراً لكم باول كلامي وتاليه
إهداء للطاقم الاداري في مجالس الفردة على النت
اخوكم الشاعر : شريف بن راكب
15/02/1429هـ

ذيبان 07-04-08 11:13 PM

رد: من والد الجميع الشاعر الكبير شريف الى مجالس الفردة
 
وترى اهمال المال سبـة ضياعـه=طمع به السارق الياغـاب راعيـه
ولاكـل رجـالٍ يجيـد اندفـاعـه=من دون عرف مكحل الطرف يعميه

ما شاء الله عليك اخي منصور لقد احضرت لنا هذه الرائعه
ربي يسلم ايديك وعينيك
وصح لسان شاعرنا الفريدي المبدع
]

الدعم الفني 08-04-08 06:38 PM

رد: من والد الجميع الشاعر الكبير شريف الى مجالس الفردة
 
بيض الله وجهك ووجهه

ونصيحة في محلها

كل الشكر والتقدير لكليكما

ابوبندر 08-04-08 07:36 PM

رد: من والد الجميع الشاعر الكبير شريف الى مجالس الفردة
 
صح لسان شاعرنا والدنا / شريف بن راكب

قصيدة وافية وجزله ونصيحة غالية وثمينه وفي محلها

ومن مثله يٌأخذ النصح الصافي من محب

بارك الله له في صحته وجزاه عنا بالخير وكلنا حسبة عيالة

وبارك الله لنا فيك يابو محمد عزالله انك تتعب من يبي يجاريك بالطيب

ناصر بن راكب 08-04-08 07:49 PM

رد: من والد الجميع الشاعر الكبير شريف الى مجالس الفردة
 


أبومحمد


مايجيب الطيب إلا أهله



وصح لسان/ الشاعر شريف بن راكب

وهدية مقبولة من والدنا ابو محمد



مقبل بن نمران 08-04-08 10:55 PM

رد: من والد الجميع الشاعر الكبير شريف الى مجالس الفردة
 
صح لسان الشاعر القدير الفاضل / شريف بن محمد بن راكب

قصيدة جزله ولاشك من منجم جزل ونصيحه أخويه من فاضل وابن عم محب

وهذا جهد مبذول والنصح والتوجيه والمشوره من أصحابها زاد للوصول للهدف الاسمى

ألف شكر للشاعر الرائع على وفاه وحضوره وتوجيهه

والشكر موصول لسفير المجالس لأبو محمد على بذله وجهده وإتحافنا بالجميل

ودمتم أيادي للعطاء النزيه

الفريدي 09-04-08 05:58 AM

رد: من والد الجميع الشاعر الكبير شريف الى مجالس الفردة
 
نشكر شاعرنا الكبير شريف ونقول له ابشر بعزك وكلماتك نبراس نعتز ونهتم بها

ابو محمد دائماً تأتي بالدرر وفقك الله لكل خير

تقبل تحياتي وتقديري

علي الجضعان 09-04-08 07:37 AM

رد: من والد الجميع الشاعر الكبير شريف الى مجالس الفردة
 
لله در الشاعر /شريف جمال شعر ونصيحه اخويه صادقه وحميه صافيه

ياجماعه اقرو كل بيت بتمعن

اخي وحبيبي منصور اقول بس بيض الله وجهك

ياشعله المنتدى

محمد بن بــدر 09-04-08 02:13 PM

رد: من والد الجميع الشاعر الكبير شريف الى مجالس الفردة
 



صح لسان الشاعرالكبر / شريف بن محمد بن راكب

وبيض الله وجهه على هذا الدعم المعنوي لنا

وكل الشكر للمبدع دائما منصور الوسوس على هذا الجهد

ودمتم بكل خير

منصور الوسوس 09-04-08 10:07 PM

رد: من والد الجميع الشاعر الكبير شريف الى مجالس الفردة
 
ذيبان
الرائع تواجدك وردك الجميل واختيارات الرائعة
سلمت ودمت يالغالي


الساعة الآن 04:07 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52