مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   عسا الخيال اللي تكاشف بروقه (http://www.alfredah.net/forum/threads/alfredah7066/)

ابن ردمان 04-04-08 09:16 PM

عسا الخيال اللي تكاشف بروقه
 
الشاعر محمد بن ردمان الحربي
عسا الخيال اللي تكاشف بروقه=تسقي هماليله مداهيل الاذواد
الله على ديار العشاير يسوقه=يسوقه الله بامر الإله ينقاد
من مزنتن غرا لبحرها طفوقه=نون تقافا من مناشيه رعاد
ضاح البروق السامره في عموقه=يصبح على روياه مطروح الارصاد
يسيل سيله ويتقافا حقوقه=يسق الفياض اللي بهن هالك العاد
تسفح عثاميره ولاهي غروقه=يسقي نهاره واخر الليل هجاد
ذوبه تحدر والهوى ماتعوقه=وزداد هله وردف المزن من غاد
هتاف يضفي كل حزمن يذوقه=سقى الله الرحمه وطن كل الاجواد
هواه شرقا هابتن ماتعوقه=ترعد رعوده بارقه يسند اسناد
وسمه على البيدا غثاه ودفوقه=لين يتساوى نبت طعسه والاجلاد
متنوعن نوار عشبت أفلوقه=والقاع الابيض مفرشن فرش سجاد
تدفع على عاليه مية أعروقه=سيله يزود وناير العشب يزداد
مرقابها عشبي وخضرن أطروقه=زملوق ربله مع هوى النود نواد
وبالعشب غمضات الشغايا مخنوقه=برضن مرى تثقلبها كل مركاد
وفيه الزبيدي واضحاتن أفتوقه=فجر جما البيدا نباته ليا زاد
رحمه من الخالق عطاها مخلوقه=تضفي على كل الوطن بر وبلاد
وتشوف في واديه من شقح نوقه=بين الهضاب وبين مطعوس الانفاد
أصخاف العشاير نيها زاد فوقه=من نيها يبني على أدفوفها أنضاد
ويزداد به تدليل بلقن لهوقه=مدلله ماهي على المرح مرداد
وضحن سنادن والمحالب رقوقه=بنت أوضحن ماطب الاسواق مهداد
بنته لون أشجار بيدا محلوقه=دهرن به المربع تقل زلم معواد
تطيب ماتردي ولاهي خفوقه=لو حدها من بعض الايام حداد
عضام الغزول مسلسلات العموقه=والكل منهن تفهق الني مسناد
هذا وعلى ماقلت نفسي شفوقه=على هوايه منوتي ياهل الامجاد
لاطابت الايام وشرق شروقه=وشوف الجوازي برضها مالها عداد
بفجوج برن ماتوطو أدبوقه=ماداج نزاله ولا شد شداد
وراع الولع ياخذ مع البر توقه=بجمل طبيعه بيضها وسود الساد
وبرقابتن بالمرتفع من وسوقه=ومد النضر طوله على راس مازاد
بيام فرحه حاليه ومعشوقه=لاجابها الله هي مضامين الاوجاد

منصور الوسوس 04-04-08 10:22 PM

رد: عسا الخيال اللي تكاشف بروقه
 
صح لسان الشاعر : محمد بن ردمان
قصيدة رائعة جدا ووصف جميل .....
لاهنت ودمت لنا متواجدا ..

القسومي 05-04-08 12:45 AM

رد: عسا الخيال اللي تكاشف بروقه
 
صح لسان الشاعر
وسلمت يمينك

فارس الحرف 05-04-08 01:27 AM

رد: عسا الخيال اللي تكاشف بروقه
 
الله على ديار العشاير يسوقه=يسوقه الله بامر الايلاه ينقاد
تسلم يا ابن ردمان وحياك الله
وصح لسان الشاعر ..
..واشوف القسومي سبقني اعجبه جو القصيدة وشغل الجيب وولع انواره وسرى..
قد ترى تعديل العبارة باللون الاحمر الى(الأله) واعتقد بأن هذا الصحيح .
تقبل مروري وتقديري

فارس الحرف

رعن 05-04-08 05:39 AM

رد: عسا الخيال اللي تكاشف بروقه
 
قصيدة جميلة وصح لسان قايلها
واحب ان انوه ان العضو (ابن ردمان) هو نفسه الشاعر: محمد عبيدالله بن ردمان الفريدي

مقبل بن نمران 05-04-08 08:49 AM

رد: عسا الخيال اللي تكاشف بروقه
 
ابن ردمان

حياك الله ومرحبا بك وهلابك

وهذا من أسمى الأماني لدي هنا أن أرى معلقاتك إستاذي الكريم بيننا

ووجود قصائدك

دعم . . وسام . . تثقيف . . وفخر للمجالس أيضاً

فكل الشكر والتقدير على إمتاعنا وإتحافنا بها المعلقة السابحة بجمال الربيع وعبق الغيث

وأحمد الله أن وصلك صوتي فأنت الوفي كعادتك مع ربعك وغير ربعك

وأرجو أن يصل صوتي للمبدعين والشعراء الأفذاذ

( مـــكـــانـــكـــم هـــــنــــــا بــــالــــطــــلــــيـــ ــعـــــه )

ودمتم برعاية الله

عبدالرحمن سعود العبلان 05-04-08 10:39 AM

رد: عسا الخيال اللي تكاشف بروقه
 
استاذي الشاعر محمد بن ردمان صح السانك
وحياك الله في مجلسك مجلس اعيال راشد
وجود شاعر مخضرم مثلك اضافه قويه للمجلس
فانت استاذ بالنقد شاعر غني عن التعريف .

علي الفريدي 05-04-08 12:56 PM

رد: عسا الخيال اللي تكاشف بروقه
 
هلابك يبن نومان قصيدة ممتازة تسلم وصح لسانك
نلارحب فيك في مجالس ربعك عيال راشد

خلف الفريد 06-04-08 05:25 PM

رد: عسا الخيال اللي تكاشف بروقه
 
الاخ محمد بن ردمان
قصيدة وصفيه رائعه تحمل عبق الاصاله الشعريه
شاعر متمكن من مفردات لغته جيداً
اشكرك على هذه الرائعه الجميله
................

ولي طلب
قد لايعرف بعض الشباب الكثير من المفردات اللغويه هنا لاختلاف البيئه !!
فحبذا لو يكون هناك شرح لمثل هذه القصائد لتعم الفائده !!
ما قول اخي ابو ياسر؟؟؟؟؟؟؟

ابن ردمان 06-04-08 11:52 PM

رد: عسا الخيال اللي تكاشف بروقه
 
الأخ العزيز منصور الوسوس شكراً جزيلً على مرورك المشرف
القسومي لك الشكر على مرورك المشرف
فارس الحرف شكراً على مرورك وأشكرك على ملاحضتك للخطأ الأملائي وتعديله إلى الصحيح والقسومي يافارس الحرف أكيد أنه أشتاق لأجواء الربيع ونطالبه في قصيده عن الربيع وينقل لنا تصوير ماشاهده في قصيده بعد العوده
نشكرك يارعن على المرور وماقلته صحيح
مقبل بن نمران أشكرك على مرورك وتعبيرك الطيب والمجلس يفخر بأعضائه الموجودين الأوفياء جميعً ولا يمكن أن أتردد بأن أكون عضو مع ربعي ولي الفخر بذالك
عبدالرحمن سعود العبلان أشكرك على المرور وتعبيرك الجميل ولي الفخر بوجودي بينكم وأتشرف بذلك
علي الفريدي شكراً لمرورك وكما قلت لي الفخر بوجودي بينكم وفي مجلس ربعي وأحب أن أنوه بأن لديك خطأ إملائي وهو الصحيح ابن ردمان
الأخ الكريم خلف الفريدي أشكرك على المرور وعلى كلامك الطيب وبالنسبه لطلبك أبشر في الشرح ولاكن يوجد عطل في الكمبيوتر لدي وأنشاء الله سوف أشرح القصيده أقرب وقت ممكن وأسف على التأخير بسبب عطل الكمبيوتر لدي وشكراً


الساعة الآن 01:35 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52