لا تزور قلبي في مصابه تعزيـه = ما ظن قلب فـارق الاخ عـازي
هيضني قصـرٍ عاليـاتٍ مبانيـه = ساسه حديد وتحت ساسه عزازي
ما هو خرابٍ يجمع القرش راعيه = ساسه هيار وتحت ساسه غرازي
واقلبي اللي لـو تصبـر يعنيـه = ذكرى كريمٍ باحسن الصيت فازي
لو الكرم يسأل من الكاس يعطيـه = قال الكرم معدوم من غير جازي؟
يوم الردي لا خير يذكر بماضيـه = لا واجب سواه و لا راح غـازي
ما صك بابه عن منـادٍ يناديـه = بفياض طلحه في رفيع النـوازي
جازي توفى من فـوادي يسليـه = من لي صديق صادق الود لازي
قلبه شفاف ياخذ الحـق يعطيـه = اصفى من الياقوت بين القزازي
قبره لعله صـادق النـو يسقيـه = ينبت زهور الورد بارضٍ جرازي