|
الطيب ماتلقاه في كل رجال.................... هذه القصيده الى اخي وزميلي محمد بن عبدالله بن فرحان بن مغضب
الطيب ماتلقاه في كل رجال=ياكود شغمومٍ فعوله فريده شرواك يامحمد على كل الاحوال=ياللي شبوحك كلبوها بعيده حطيت لك في قمة الطيب منزال=عسرٍ على بعض القلوب البليده حرٍ شهر من عالي الرجم والجال=صيده جزل ماجاب له اي صيده محمد اللي فيه مضرب للامثال=بالمرجله والطيب ماهي جديده في خوته تنسى معه ضيقة البال=وتنسى هواجيس الحياه العنيده فيه الكرم عاده وطبعٍ ومنوال=ويمناه ماقالوا تمد الزهيده قرمٍ يحل حبال ويعقد حبال=وبنك المراجل فيه مال(ن) رصيده من نسل عودٍ للرياجيل مدهال=في مجلسه تلقى الرجال الفريده ابفتخر بك يامحمد وابا اختال=ماهمني وش ينكتب بالجريده الله يطول عمرك سنين طوال=ويجعل حياتك كلبوها سعيده |
رد: الطيب ماتلقاه في كل رجال.................... اقتباس:
القصيدة رائعة وموضوعها اروع ربي يوفقك وننتظر جديدك الفضلي |
رد: الطيب ماتلقاه في كل رجال.................... صح بدنك يالفضلي الله لا يهينك |
رد: الطيب ماتلقاه في كل رجال.................... اقتباس:
لوحه شاعريه غايه في الجمال والروعه وتستاهل المدح قول وفعل وصح السان الشاعر محمدبن مغضب وسجل اعجابي بهذه القصيده الرائعه |
رد: الطيب ماتلقاه في كل رجال.................... صح بدنك يابو عمر شهاده اعتز فيها شكرا لمرورك |
رد: الطيب ماتلقاه في كل رجال.................... اقتباس:
هلا وغلا بــ محمد بن مغضب قصيدة جزلة موضوع ومضمون ,صورة ومعنى ,جمل وتراكيب. تسلم على هذا الابداع وصح لسااااااااااااااانك وابن عمك محمد بن فرحان يستاهل المدح وهو اهل له .. ولعله يكون هو شاعرا ايضا ويتحفنا بالرد . تقبل مروري .. وتقديري. فارس الحرف |
رد: الطيب ماتلقاه في كل رجال.................... صح لسانك يا بن مغضب ويستاهل ابن العم محمد لاهنت |
رد: الطيب ماتلقاه في كل رجال.................... محمد بن مغضب صح لسانك وعلا شأنك قصيدة مدح رائعة والطيب يستاهل بلا شك والنعم بالمادح والممدوح وعساهم دوم على الخير والمحبة لفته للأحبة الشعراء : حتى يكون لنزفك الشعري متابع لابد من التنويع والإبتكار فيما تنشر للمتلقي حيث يستنزف الشاعر مرحلته الشعرية الأولى في المدح يتشرف ربعك في تواجدك ومشاركاتك ويسعدني حضورك هنا ننتظرك دائماً بمواضيع جديدة وصور جديدة ومفردة حديثة |
رد: الطيب ماتلقاه في كل رجال.................... الاستا\ فارس الحرف شكرا للاطرا وشاكر مرورك يالغالي |
رد: الطيب ماتلقاه في كل رجال.................... الاخ القسومي والاخ مقبل بن نمران شكرا لمروركم وتشرفت بمروركم |
| الساعة الآن 10:40 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir