مجالس الفرده - نصيحة مالي وراها مطاليب

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - نصيحة مالي وراها مطاليب (http://www.alfredah.net/forum/threads/alfredah6580/)

نصيحة مالي وراها مطاليب

ايها الاخوه الاعزاء اضع بين ايديكم هذه الابيات لعلها تحوز على اعجابكم

أول كلامـي لـك أزف السلامـي = سلام يا جـارٍ جزيـل المواهيـب
بشر عسى الأحوال دايـم تمامـي = بشر عساها دايم اتـزود بالطيـب
لي مدةٍ يا جـار مـدري علامـي = في خاطري كلمه تجي نوب و تغيب
أليا أقبلت فزيت لـو مـن منامـي = واليا أدبرت يعلم بها عالم الغيـب
كلمه عزيزة غاليـة يـا القطامـي = يا منسل الشجعان رأس المكاسيب
حلمت أنـا موتـك وزاد الزحامـي = وحضرت أنا وصليت علم ٍبلاغيـب
وفزيت أنا من عقب ناح الحمامـي = بالمقبرة عقب افتراق الاصاحيـب
وبنصحك يا جار وافهـم كلامـي = نصيحـة ٍمالـي وراهـا مطاليـب
نصيحتي تقـواك منـش الغمامـي = قبل الهرم ويزيد بك لايح الشيـب
اغنم شبابك مع صـلاب العظامـي = في طاعة اللي أدبك خيـر تأديـب
أقم صلاتـك والتـزم بالصيامـي = وادفع زكاة ٍتجلـي الهـم والريـب
صل الفجر بالصف خلف الأمامـي = وادعه يجنبك الفتن والمصاعيـب
وينجيك من يومٍ صعيب المقامـي = فيه العصاة تذوق شين المشاريـب
إما مع الفائـز وخيـر وسلامـي = ولا مع اللي في جحيـم ولواهيـب
يا جاري اقبلهـا وكـف الملامـي = لا تلومني خلك على قمـة الطيـب
وصلاة ربي عـد وبـل الغمامـي = على رسولٍ رتـب الديـن ترتيـب

[/B][/size]