مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   قصائد مختاره من ملتقى الربيع ( كبد ) (http://www.alfredah.net/forum/threads/alfredah6468/)

متعب بن نومان 08-03-08 04:55 PM

قصائد مختاره من ملتقى الربيع ( كبد )
 


بسم الله الرحمن الرحيم

السلام عليكم ورحمة الله وبركاته



هذه قصائد مختاره من عدة قصائد ألقيت في ملتقى الربيع في كبد ..



قصيده لخالي / خليف بن داخل بن نومان الفريدي ( ابو عبدالله )



ياللي رفعت ادريس في منزلله=يامبدل الاحوال ياراحم الحال
الذود عيا يطيق المشي جله=جفا الوطن يارب والمال هزال
تسقي وطنا بالسحب وتعله=من مدلهم تالي الليل همال
ياخذ ثمان ايام ماكف لله=ومن عقبهن يذكر وادي الرمه سال
ومع مثلهن والروايح تهله=حتى يزين الوطن بعد الامحال
وكل ٍ حلاله يافتى جايزله=هذا رحّيل اليوم وهذاك نزال
شم الخزامى والنفل حلو دله=يامكثر التوصيف بالوان واشكال
وصلو على المعصوم من كل زله=على النبي الهاشمي سيد الاجيال



====


وهذه قصيده أخرى لـ الشاعر والمشرف / خلف بن محمد الفريدي ( ابو عبدالعزيز )



شح المطر واشتاقت الأرض للغيث=يالله ترزقنا صدوق المخايل
أنت الذي يجلي الكبودالمغاثيث=وأنت الكريم ولا لعونك بدايل
ويعم خيرك بين عرعر وتثليث=مابه شعيب غير منبت وسايل
ومن ساحل الخفجي اليا ساحل الليث=يصير وجه الأرض مثل الخمايل



====


وهذه قصيده أخرى لـ الشاعر / مبارك بن ناصر بن حديد الفريدي



انا هواي ولذتي وارتياحي=ممشن مع الروض الخضر قفر ماديس
غب المطر لهبت النود فاحي=ريح الخزامي والنفل والهواء كيس
وسج القدم والشوف بارض براحي=اخير عندي من نقا جو باريس
بارض ٍ خلا ماطبها إلا الطياحي=والخلف والمقهور فيها مناكيس
لاوده الراعي وذب الصياحي=جنّه على صوته هجيج كراديس
وضحن زها الفاحج عليهن ولاحي=من والفحل في جيرة الله عن ابليس
فج النحور مبعدات النواحي=مرباعهن قفرن من العالم منيس



====


وهذه قصيده أخرى لـ الشاعر / شريف محمد الفريدي



قالو تبي المطلاع قلت ايه ماشي=بالي من الجلسه على طول ضايق
قالو تولم قلت طاو فراشي=ماني من اللي للنشاما علايق
نبي لنا وقفة شمال الرياشي=وتراي مزاح ودليله وسايق
يازين بالصيوان طق الرشاشي=كنه يطفي عن ضميري حرايق
وحس الرعد في مرقبات النواشي=والأرض خضرا مثل لون الحدايق
ولقط الزبيدي في هشاش الدشاشي=تمرنا الساعات مثل الدقايق
هذا المدار لخاطري وانتعاشي=اعز لحظات لها القلب رايق

[/poem]




====


قصيده أخرى للشاعر / عبيد بن نهار الفريدي




الله كسا البيدا بزاهي ربيعه=لبست لها ثوب بزاهي حللها
ثوب الربيع اللي زهاها طبيعه=يازين شمة ريح فايح نفلها
مناظر تشفي النفوس الوجيعه=نبت الفياض وضلعها مع سهلها
من كل غصن صور بديعه=جنة عقب غبرا الشهاب ومحلها
ماهي بلوحة فان جوخ وصنيعه=ولا رسم دافنشي بدقة خصلها
إبداع من فزعات جوده شريعه=الله خلق كل الحياه وكفلها



وسلامتكم

ناصر بن راكب 08-03-08 08:44 PM

رد: قصائد مختاره من ملتقى الربيع ( كبد )
 


متعب بن نومان

لاهنت على الإختيار

وصحة ألسنة الشعراء

متعب بن نومان 09-03-08 11:39 AM

رد: قصائد مختاره من ملتقى الربيع ( كبد )
 


لاندمت


حياك البارئ

خلف الفريد 09-03-08 01:55 PM

رد: قصائد مختاره من ملتقى الربيع ( كبد )
 

اخي متعب
شكراً لك على التنسيق الجميل والنقل الرائع
ويوم امس السبت قابلت اخي خليف في كبد وذكر لي ان هذه القصيده اطول
ارجو اكمالها واختيار بعض قصائده الرائعه وتزويد المجلس بها خصوصاً
اذا كان لديه غزليات ههههههه
لاهان ولاهنت

ذيبان 09-03-08 10:25 PM

رد: قصائد مختاره من ملتقى الربيع ( كبد )
 
مشكور متعب النومان

نقل رائع لفطاحلة الشعر الفريدي

ربي يسلم عمرك وشبابك

ملاحظه صغيره

القصيده الاخيره ورد اسم (عيد بن نهار ) ؟؟؟

اليس عبيد بن نهار المزرم ؟؟؟

متعب بن نومان 10-03-08 11:51 AM

رد: قصائد مختاره من ملتقى الربيع ( كبد )
 


حياك ابو عبدالعزيز ان شاء الله العين ماتعلى على الحاجب


حياك ابو راكان وشاكر للتنبيه وتم التعديل


الساعة الآن 02:09 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52