مجالس الفرده - قصيدة للشاعر / نايف بن بادي بالشيخ / عبيد الرعوجي

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

قصيدة للشاعر / نايف بن بادي بالشيخ / عبيد الرعوجي

يقول الشاعر المبدع / نايف بن بادي بن طليحان الفريدي هذه القصيدة اهديتها
للخال العزيز ا/ الشيخ : عبيد بن سعد الرعوجي اعتذارا منه

لعدم استجابتي لدعوته التي

اقامها حينذاك واشادة بمواقفه النبيلة ومكانته المرموقه بين افراد جيله وفي

مجتمعه وهي احساس ومشاعر صادقة تجاه من يستحق الاشادة ) .

واما نحن فلانزيد على هذه الكلمات الصادقة سوى بعض التعريف بابي سعد

وهو من النامي من الفردة واحد اعيان الفردة واعلامهم في مدينة بريدة والقوارة

وله مواقف رائعة جدا كما اشار لذلك الشاعر في قصيدته وقد قيلت فيه عدد من

القصائد لعدد من شعراء حرب وغيرهم .

لعلنا نحاول الحصول عليها قريباً باذن الله .

ياخال والله ماسمحت لي ظروفي=ماهي على كيفي اذا قلت لك تم
ماودي الفرصة عليه تطوفي=وانا اعتبر فرصة مقابلك مغنم
لكنها دنيا العناء والحسوفي=باقدارها مافيه حي يتحكم
كلٍ لما قسم له لابده يشوفي=الغيب لله ما حدٍ فيه يعلم
عسى تعبنا بالحياة مخلوفي=اللي مضى لي كم واللي بقي كم
بالعسكريه للنظام معسوفي=ماني على أمر الأب والخال والعم
بأمر النظام اللي متى بي يروفي=لي رب عن خلقه بمخلوقه ارحم
يابو سعد ياعبيد ضاعت شفوفي=وأنا بوصلك لو تعذرت ملزم
قدر الرعوجي بالرجال معروفي=بين النشاما عاش خالي مكرم
لاتعتبرني من حساب الضيوفي=من حسبة عيالك على ماتبي سم
حط النقط ياخال فوق الحروفي=عن طول شرح الوضع بالرمز تفهم
حكيم ومجرِب ورجلٍ عروفي=بمزاعم أهل العرف بالعرف تزعم
وحنا بزمانٍ فيه شتى الصنوفي=بحرٍ به أمواج الدواعي تلاطم
وسلامتك ياخال هاذي ظروفي=مالي بها مدحٍ ولالي بها ذم