الفكر وإحساس الوفاء والذرابه=خليط صعب تحصله بأي مخلوق
يربك مفاهيم الملل والرتابه=وياخذك من عمق التباريح وتروق
إيقاع راقي يحتويك بصبابه=ماكنه لبعض المقامات مسبوق
كافح لمجده لين صاب ورقابه =دليل كيف المرجله تكسر العوق
للناس بعيونه مداد ورحابه= وللطيب بجذوره علامات وحقوق
وأخذ من الثنتين طيب ومهابه=فزعة كريم ولايرى الناس من فوق
تدري لو إنه مر وقت بغيابه= تضمأ عليه ويسرقك يمه الشوق
ابن الطهيمي لازمأ العلم جابه=وقلبي على شرواه ضامي ومفتوق
منصور جادبه الزمان وحكابه=ياظنتي ماكل مطرود ملحوق
قلته وأنا مليت عصر الكآبه=وقتي عليل وداخل الصدر محروق
ومديت غيثي بين ورد وسحابه=مدة وفاء بالحق والطيب والذوق

المشاركة الأصلية كتبت بواسطة خلف الفريد (المشاركة 48223) ابو ياسر صح لسانك صح لسانك ابداع ووفاء لاحدود له ، ان ما اراه ليس شعراً فقط بل هو خلجات نفس وفيض حب وصدق وهذه عادتك مقبل بن نمران لانك تستمد هذا الشعور من نبع الوفاء والعطاء والاصاله ، اذاً لاغرو انك من هامات القوم ورؤوس القبيله لقد انرت وابهجت المجالس بهذه الرائعه المملوءة حباً وصدقاً في شهر الخير وشكراً للمادح والممدوح لاهنت لاهنت

المشاركة الأصلية كتبت بواسطة عبدالله بن غنام (المشاركة 48298) عقيد القصيد كل ما قريت لك قصيدة أخذتني السجة دائماً تبحر في المعنى ودائماً تكتب أروع الشعر في أروع المشاعر صح لسانك مليون ويستاهل أبو فيصل وسبعين نعم بلحيتك ولحيته

المشاركة الأصلية كتبت بواسطة فارس الحرف (المشاركة 48308) اخي العزيز ابو ياسر صح لسانك على هذه الرائعة..واعتقد جازما بأن هذا الخليط الصعب..هو مايميزك انت كشاعر..فذرابتك بالشعر ونظم المفردات باسلوب عصري هو دليلنا على انك تملك الفكر والاحساس.. الذي يجعلك وفي ومخلص لكل من يعرفك وتعبر له عن شعورك تجاهه بهذه الطريقة المفعمة بالمشاعر والاحاسيس والذوق الرفيع.. فهنيئا للمادح والممدوح .. ويستحق منصور الطهيمي ذلك. تفبل مروري.. وتقديري.. فارس الحرف