بديت ذكر الله على ذكر النشيد=منشي الغيوم وعازل ٍ ربانها
يا راكب ٍ حمرا تشوّد بالفديد=مزعاج تجزع عند مس بطانها
ركابها قرم العيال اللي وليد=يقرا الحروف وعارف عنوانها
ملفاك هندي شوق من تزها الجديد=من ساس خيل مايكم حصانها
ونعم بذوي فاجر منزحة الضديد=ما اسبهم والله عليم بشانها
وفيحان حر ٍ من تحنس به يصيد=هدت حرار ٍ صفقت جنحانها
من فود مخلابه يفيد ويستفيد=ماهو خراص مير شوف اعيانها
ويكسّب الادنى وعينه للبعيد=ويفرّح اللي يحتري باركانها
عقب ٍ لابوه معقّبه مثل وليد=ان كان صفر الخيل جا ميدانها
الله يسدد به لنا ايام العيد=عسى القدر يبطي عنه باحيانها