مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   غلا الدنيا (http://www.alfredah.net/forum/threads/alfredah5432/)

نواف بن هلال 20-09-07 07:03 AM

غلا الدنيا
 
[align=center]
بسم الله الرحمن الرحيم


السلام عليكم ورحمة الله وبركاته


عزوتي أبناء عمي وتاج راسي



في البدايه :

أحب أن اشكر أبو عزام بـ مروره في المشاركه السابقه

وأقدم أعتذاري عن قلة مشاركاتي في الاقسام الاخرى وذالك لـ قلة تواجدي في النت لظروف العمل


ومتى ما أتيحة الفرصه كتبت مايجيد به قلمي بما يسمح لي به الوقت

( كما أن القصيده التي في التوقيع لها قصه عندما كنا في الامارات في مهمه وطنيه للقوات الجويه العام الماضي في تصفيات شاعر المليون وحاولت ان اشارك ليس للمليون إنما للمشاركه فقط ولم أحضى بالفرصه لضروف العمل

وكان مطلعها


ياشيخ جينا من بلدنا مسايير=والضيف والله شوف وجهك قهوته
يالنادر اللي مايحسب المخاسير=راهي وثقف مجتمع من رهوته
ودي مشاركة الحرار المشاهير=طير الوحش مافيه صيد ٍ يفوته
وأنا سبوقي في يدين المناعير=حر ٍ عنيد وهدته من شهوته
حر ٍ من طيور الملك وشرهتي غير=أجرم بصيدي لادعاني بصوته
غالي وله عندي معزه وتقدير=اسكت وقلبي مايطول سكوته

إلخ

......



وأما مشاركة اليوم فـ عسى أن تنال إعجابكم والمعذره على القصور



((((غلا الدنيا))))

تفاهمت ولا ماتفهمت ضيقة خلْق=ولا انهارت اعصابي ولكن على الحفّه
إذا الماده قامت بصف البخيل الهلق=تقوم الاوادم كلبوها وتاقف بصفه
تبلد احساس الفرد فينا ووجهه طلق=وهو باقي ٍ لا مد كفه ولا كفه
نفوس ٍغلا الدنيا وعناها شلقها شلق=وخفّت عقول ٍ روسها مابها خفه
نعيش بهواها لين ندفن ماخذنا العلق=يبلى بها عاقل وتضحك بها مسفه
انا مابتدع بس المشاعر بعضها طلق=وتاخذ على قلب المعنّى كذا لفه
فاذا مابقى الا كود اليدين دون الحلق=فلاني مجامل مثل الاطرش مع الزفه

ابوبندر 20-09-07 08:18 AM

رد: غلا الدنيا
 
صح لسانك اخوي نواف
قصيده جزله معنى ومبنى
واما العذر لاوالله ماحنا بعاذرينك عن قلة مشاركاتك
نبيك ونبي حضورك

اخوك ابوبندر

فارس الحرف 21-09-07 01:11 AM

رد: غلا الدنيا
 
نعيش بهواها لين ندفن ماخذنا العلق=يبلابها عاقل وتضحـك بهـا مسفـه


هلا وغلا باخوي نواف
قصيده جزله.. بجزالة شاعرها وتحمل معاني حكيمة..
صح لسانك.. وتقبل مروري ومحبتي.


فارس الحرف

القسومي 21-09-07 04:57 PM

رد: غلا الدنيا
 
اهلا بك يا اخوي نواف

صح لسانك على هذه القصيدة

قصيدة طيبة من رجل اطيب

اما العذر ترى ما حنا عاذرينك

نبيك دايم متواجد

لا تطلب العذر منا اليوم لا والله = منته بمعذور ولا اني قبل عذرك
ترى حضورك يشرفني شرف والله = ومشاركاتك جميله وللولي درك
نبي تواجدك يولع المنتدى خله = يا تاج راسي ترى اللي سرني سرك

عبدالله بن غنام 21-09-07 09:18 PM

رد: غلا الدنيا
 
اقتباس:

أحب أن اشكر أبو عزام بـ مروره في المشاركه السابقه

وأقدم أعتذاري عن قلة مشاركاتي في الاقسام الاخرى وذالك لـ قلة تواجدي في النت لظروف العمل
ابادلك الشكر بالشكر والتقدير













مجرد مرور للقراءة ولي عودة

مقبل بن نمران 22-09-07 12:35 PM

رد: غلا الدنيا
 
نواف بن هلال

صح لسانك وإعتلا شأنك

في المجمل معاني جميلة

فاذا مابقى الا كود اليدين دون الحلـق = فلاني مجامل مثل الاطرش مع الزفـه

هذا بيت القصيد

فنحن دائماً نسعد بك وبشاعريتك

خلف الفريد 22-09-07 11:17 PM

رد: غلا الدنيا
 
اخي نواف

قصيدة رائعه جمعت بين صدق المشاعر وقوة الشعر

نشكرك عليها ونطلب المزيد

لاهنت لاهنت

تقبل حبي ومودتي

منصور الوسوس 10-07-09 01:01 PM

شاعرنا المتميز : نواف بن هلال

حضورك رائع دائما ايات جميلة جدا صح لسانك ودمت بعز


الساعة الآن 09:12 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52