قصيده جديده اتمنى من الشعرا نقدها
 

((((الوقت قاسي))))

	الوقـت قاســي والليــــالي عنيــفه=ودروسـنا زادت علينـا المصـاريف بالانجلش ندرس بلاو ٍمخيـفه=حكـي الخوارج مالنا عـنه تصـريف دكتورنا حكي الصحابه يعيفــه=مـايهـرج الا باهــل مدريـد وجـنـيف صعبه محاضرته ولا هي خفيفه=مليانة ٍ بالشرح ورسم الغضاريف والاسئله لاجابها سل سيــفه=قــام يتـحدى ينجــحـون المـلاقــيف ولاجيت تسأل لو بروح ٍ لطيفه=قالك ولك مالك بهيك السواليف دكتور ماحد ٍ يسأله هو بكيفه=يمشي برايه من حساب العواريف يالله ياربـي تجــيب الوظـيفه=لـو انهـم قالوا دوامـك ورا طـريف اضحك واسولف بالعلوم الشريفه=واشب ناري واتقهوا على الكيف متعلي ٍ في راس عيطاً منيفه=من عادتي دايم بروس المشاريف متوسط ٍ بين السهل والحتيفه=بارض ٍ سقاها الوسم ما علّها الصيف العشــب واجد والزبــيدي وليفه=تشــبع به الاذواد من دون تعــييف نمشي مع البرّان ماهي كليفه=لافكنا الله من شرور الصـواديــف ماغير ابن حماد وانا رديفه=من فوق شاص ٍ مايهاب الشغانيف راع السوالف والعلوم الطريفه=مكْرم خوي الدرب ومكـرّم الضـيف هذا هوى بالي وكل ٍ بكيـــفه=قـــلته لكم يانــاس من دون تزييــف

الشاعر: محمد بن خلف بن مغضب الفريدي

رد: قصيده جديده اتمنى من الشعرا نقدها
 

الشاعر: محمد بن خلف ابن مغضب

تحياتي المسك اخي محمد بن خلف 000

قصيده حلوه مره 000 ارجوك الاستمرار 000 الى الامام 00

سؤال 00 هل والدك هو الشيخ المطوع / خلف بن مرزوق بن مغضب الفريدي 000

سلم عليه 00 مع تحيات احمد العود 000 ابو راكان

رد: قصيده جديده اتمنى من الشعرا نقدها
 

رد: قصيده جديده اتمنى من الشعرا نقدها
 

رد: قصيده جديده اتمنى من الشعرا نقدها
 

رد: قصيده جديده اتمنى من الشعرا نقدها
 

محمد بن مغضب




صح لسانك


والى الامام

رد: قصيده جديده اتمنى من الشعرا نقدها
 

اخوي محمد بن مغضب

قصيدة جميلة واذا كانت هذه البداية

فبداية طيبة

وتستاهل الطيب انت وبن حماد

صح لسانك

بيض الله وجهك

وادام الله عزك

رد: قصيده جديده اتمنى من الشعرا نقدها
 

محمد بن مغضب

هلابك ومرحبا تراحب المطر

بما أني من الشعراء(((((( سابقاً ))))))


ابشر بالنقد

بس والله ما لقيت لي مجال الا على ثنتين ، الأوله :

صعبـه محاضرتـه ولاهـي خفيـفـه

وملاحظتي عليه بالوزن فقط


أما تسلسل القصيدة وتتابع أفكارها ممتاز جداً

وهي خالية من الخيال والتصوير لأنها خفيفة غنائية بسيطة مما يعطيها جمال اكثر


الملاحظة الثانية :

العشـب واجـد والزبـيـدي وليـفـه
تشبـع بـه الاذواد مـن دون تعييـف

يكـرم الضيفـان ويـكـرم الضـيـف

لي ملاحظة على قولة أن الزبيدي وليف العشب ما أعتقد ان التشبيه كان موفق

وكلمة تعييف ، يبدو لي أنها مصخرة تصخير للضرورة الشعرية ، وأنا عن نفسي ما أستسيغ التصخير.

وتكرار تكري الضيف هنا ملاحظة قوية

وهي إذا كانت من البدايات لا شك أنها بداية قوية وتنم عن موهبة شعرية متمكنه

أما أن لم تكن من البدايات فأعتقد أن صاحبها سيبدع أكثر في المساجلات مع الشعراء وسيستفيد أكثر .



وعندي توقع أقوله بأمانة وأتمنى يصدق معي أخوي محمد

أتوقع أن هالقصيدة تعاونوا عليها أثنين كل ماجاب واحد بيت جاب الثاني رديفه.


لكن على العموم

رائعة


تقبلوا مروري ونقدي بصدر رحب

رد: قصيده جديده اتمنى من الشعرا نقدها
 

رد: قصيده جديده اتمنى من الشعرا نقدها
 

أخوي فارس الحرف

لم يكن ذاك من باب إيضاح فراستي ولكن كان النقد الذي طلبه صاحب القصيدة

أردت أن أوضح له أن هذا ما بدر لذهني حين قرأتها وقد يبدر للكثير

وأعتذر من صاحب القصيدة أن خانني التعبير وأدى لفهم مغلوط عند البعض فظن أنها إساءة أو قمع أو نحو ذلك.



وأنا على علم يا فارس الحرف أنها المشاركة الأولى

و لم يسبق لي أن أنتقدت قصيدة طرحت في المجالس مالم يكن على طلب صاحبها نفسه.


على العمووووووووووووووووووووو وووم

شكراً لك فارس أن دعيتني لزيادة في التوضيح للشي الواضح