ردّ الفهيم وقال وش انت شايف=بعت الردي بارخص ثمن! قلت بيعه
بيعه ولا تطري عليك الحسايف=متخالفين انظار فكر وطبيعه
حذراك سير امسايرة وضع خايف=لا اوحيت منطوقه رجيت القطيعه
المقصد اني شفت ما قال نايف=وصملت رايي لجل سد الذريعه
مني على جرف ٍ هيال ٍ مهايف=ادرا رفيقي ماتجيه الهزيعه
والله لا عاجز ولا ني بخايف= لو عشت في ريع ٍسباعه مجيعه
الرجل له مبدأ مسير ونكايف=وان عاضبت جرد الصحاري وسيعه
لو درت انا واياه سبع الطوايف=البعد هو طب القلوب الوجيعه
اخترت من جزل المعاني طرايف=مردهن مفعول نفس ٍ لكيعه
والا رداهم ماتلفّه لفايف=وعلومهم راحت سراب ٍ بقيعه
ليا جا نهار ٍ فيه يبس الشفايف=نجل الملام وخصمنا مانطيعه