نويت ابكتب قصيده فيك يا عيني= عنوانها بكتبه من قمة أحزاني
الله واكبر علامك ما تحاكيني = وش جاك وش غيرك يا سيد خلاني
يا لله عسى مانت بالهجران ناويني = و إلا بعد مع مرور الوقت تنساني
خليتني بس أهوجس ما تراعيني =ولا قلت لي بالمحبه ليش تبلاني
غيرك من الناس و الله ما يسليني = وغيرك انا ما قبله لو كان ناداني
بس أنت بالذات حبك ساطي فيني= ما شوف غيرك بها الدنيا بشر ثاني
خف خالقك والتفت لي لا تخليني= يا بعد روحي و يا نبضي وشرياني
خلك بجنبي اواسيك وتواسيني= أنا ترى لشوفتك يا زين ولهاني
وخل الوفاء سايد مابينك وبيني= ولا تسمع اللي حكى في شأنك وشاني
محبتك فوق ها العالم توديني= عيشتني يا حبيبي بعالم ثاني
واليوم تقسى عليه ويش بيديني= وحتى بسلامك تردد حين تلقاني
كان المحبه تذل النفس وتهيني = مالي بها دامها للذل تحداني
عزمت ابترك وابنسى الحب من حيني = لكن وش حيلتي والقلب يعصاني
واقلبي اللي طوال الليل يكويني = ويا همي اللي تمكن وسط وجداني