يامل قلـــــــــــب ٍ فيه لوف ٍ يلوفه =كما يلوف الهيف عشب المشافي
جفّ الثرى والغيم جفت سيوفه =في خفقة الجـــــــوزاء تلوفه هيافي
على حبيب ٍ فـــــرّق البعد شوفه =بخصيبه زيّنْتْ مـنــــــــــــام لافي
مشيت مكـــسور ٍ وعيني ذروفه =وحطيت قلبي حدر عوج ٍ هدافي
ونفس ٍ اصارعها تقول مخطوفه =أبا المسير وهي ترجـــــــع خلافي
كل ٍ يبي يـــــــــذوق منها كلوفه =مـاحاصل ٍمن ســو بقعاء عوافي
كل ٍ شكا من رمحها في دفوفه=مادايم ٍ يالعبد والــــــــجو صافي
ولو ضحكت بـــوّاقة ٍ ومعروفه =تحوّلْك من راس الطويل الشرافي
ولافي ياليت الموت مَيْبَس كفوفه =يا ليت قسمي راح قـــــــــــــدام لافي
أبيه للــــــجــــلف الكثير الجلوفه =خطو العنيد ليا حصل به اعصافي
وضيفك يارب ٍ مايخيّب ضيوفه =عساه بجوارك بحسن الــــــمــــــــلافي