بديت بمنشّـي صـدوق الخيالـي = من هاجس ٍ بين الضلوع المحاريـق
وياراكب ٍ من فوق عجـل المحالـي =جمس ٍ جديـد ٍ مابـدا فيـه تلفيـق
امرفّـع ٍ يدنـي بعيـد السهـالـي =قفْوه نبيط الخـط مثـل الصعافيـق
اركب عليه القـرم قـرم العيالـي =مسـدّد مايـردد الهـرج صعفيـق
ملفـاه بيـت ٍ مدهـل ٍ للرجـالـي =عن المباني نابي ٍ كنـه طويـق
لاجيت بيتـه قـل ووصـل مقالـي =ولو يتكلـم السّعـه منـك لاتضيـق
تراه عقـب المـر يصيـر حالـي =احلى من السكر بوسـط الاباريـق
واحلى مـن در الابكـار المتالـي =لا حيّرن فـي وادي بـه زماليـق
يتلـن نايـف مدهلـه بالشمالـي =ماصفقوهن بين بلعـوم وسويـق
يتبع بهن قفر ٍ مـن الضيـن خالـي =مدهال شرّد يوم وقـت الدفافيـق
طلق الحجاح الشيخ سمح القبالـي =مواكره روس الطـوال الشواهيـق
عشيـر غـرو ٍ زاهـي ٍ بالجمالـي =بنت الشيوخ ومتعبـه للعشاشيـق
قل يابو علي ماني كذوب ٍ لحالـي =ولاانته على الطقات توك من الريق
اصبر كما تصبر رواس الجبالـي =يوطا عليهـا بالمقاديـم ماتضيـق
هـداج تيمـا يـارويّ الحبـالـي =يامزبن المحتاج في حـزة الضيـق
حمل ٍ تشيله من الثقـل مايشالـي =وزود على حملك تشيل المعاليـق
وأنا رفيقـك ماتبـي بـي مسالـي =وأنتـه تعرفنـي بليـا تحاقـيـق
وأنا بطاي يالقـرم البـوك خالـي =نوب اتغدا ونوب امشي على الريـق
عساك للـي دايـم وهـي ببالـي =اللي عليها خلـق ربـي مشافيـق
ثنتين ماعنهن حـروف ومسالـي =ولاتنفـع الجهـده بليـا توافيـق
وعلى النبي صليت صاف الكمالـي =ورب ٍ لـه العبـّاد دايـم مدانيـق