يالله ياعالم خفيات الاسرار=تسمع دبيب النمل فوق الحجاره
يامحّرم جنازة محمد على النار=نبينا المختار زين العباره
تفرج لقلب ٍ له زمانين محتار=ايضا بعد والريق فيها مراره
واحس كن بمشّة الزور مسمار= والكبد يا مشكاي فيها حراره
هذا زمان ٍ شفت به كل الانكار=فيه الجمل حطّت عليه الوثاره
وابن الحموله عايش ٍ دون مقدار=والذيب يسلّم والثعالب سعاره
واشوف فيه الجار ما يامن الجار=بينه وبينه قام يرفع جداره
ونبينا المختار وصى على الجار=نبينا جاره يهودي اوزاره