بغيت اقول وحسني بعض الاحساس=ولقيت مالي بجـمـلة الـقــول مـصــلوح
اللي يبــوح الـراس تــدري به الناس=وصبري وكضم الغيض ولا علة البوح
لـــو كنت اقــايســها على كل مقياس=واشـيــلها من صوح وارمي بها صوح
اخفي معـــالـمـهـــا على كل عساس=لا رعشـــة احجـاج ولا صوت مبحوح
مــدفــونة بالـقــلـب مخـفـيـة ارماس=دمــدم ثــــراها بجــرهـد تقصر الشوح
اشــوالـهـا لا من تقاصت عن الناس=يــقــل شـــر الـشــر ولا تعاكس سموح
يمكن حـقــايـقهــا من الراس للساس=خـــافٍ بهـــا معنى مــن الحق ناصوح
يـبـيـن لا جــالــه مجــالــه بنومـاس= يضفي عليها الحق ويزيدها وضوح
ويمكن سعى فيها من النــاس خناس=لا بـــان منــهــا الحــق ماهــو بناطوح
ويمكن يقفي شـرها بحـبـس الانفاس=افـضــل من اقـفــايه مــع الـدم مسفوح
لله عـلـيـنـا حــق وللـنــاس والـراس=لاجــــل مــوازينً بهـــا تــوزن الروح