مشاركه للشاعر الكبير
محمد بن حمد بن شعيبان الفريدي
في حفل ابناء عبدالله بن حمير رحمه الله بمناسبة زواج موسى
*
*
*
مبدا كلام معرب العم والخال=مقدار لصحاب العقول الثقيلة
يقول يوسف مرحباعد همال=غيثٍ سرا برقه بعرض المخيلة
باسم اخوانه كلهم فال وعقال=وال الحمير طيب روس وفصيلة
ترحيبتٍ تقدير وخلاص وجلال=عن المشايخ والجبر والقبيلة
هلا هلا ترحيب من صافي البال=باهل الشيم واهل القيم والفضيلة
تنساق في مدح الشغاميم الامثال=والقاف طاري مجدهم يستويلة
يستاهلون اللي مواقفهم جزال=اهل العلوم الوافية والنبيلة
الله يحييكم بسم روس الاموال=عيال راشد كاسبين الجزيلة
وسامت الفاحج شريفين الافعال=على القبيلة ماتحوش الفشيلة
تثبت ثبات جبال وتنزح جبال=اليا اللتقى وجه العميل بعميلة
وكل القبايل مجدهم مابة اشكال=بصدورنا قدر الحمايل نشيلة
ماينقص حقوق الرياجيل رجال=يعرف مواجيب الرجال الجليلة
ولايحط من قدر الرياجيل مكيال=الاغشيمٍ ماب عرفة عقيلة
تبقا الحقايق ثابتة مار لوقال=وحسدة وحقدة مايبرد غليلة
لهل الوفاء عندي معزة ومنزال=طبيعة من ساس ماهي دخيلة
سلمٍ علية اجدادنا حي لازال=علية مانرضى مع الوقت ميلة
مايحصل النقاد لنقد مدخال=الا مريض فواد مافية حيلة
سلم النقى يبقى على مر الاجيال=واهل العقول النيرة ترتكيلة
ونبارك لموسى عسى الخيرله فال=بالعز جعل ايام عمرة طويلة
ارجي لة التوفيق في كل الاحوال=عسى السعادة في حياتة حصيلة
وبسم الفريدي مرحبا فال وعقال=عن المشايخ والجبروالقبيلة
*
*
*
محمد حمد بن شعيبان الفريدي
يوم الخميس 21/7/1437