نفس ٍ تروم العز ترقا سنـــــــــــوده =يالله عساني وافي ٍ بلتزامـــــــه
ماشوف في روحي عن الناس زوده=ولا اقـــــول عنهم ناقص ٍ بالفهــامه
العبد مايخضع لغير معبــــــــــــــوده =والذل مــــــاطوّل بعمر النعــــــامه
ومن قال انا الكايد يجي من يكـوده=وراع التواضع يرفع الله مقامـــــــه
الرجــــــــل يثبت بالمــواقف وجوده=وليا احترم نفســـــــه يزود احترامه
واللي يفارع كــل يوم بعمـــــــــوده=باطرف سبب بين العيا والغشامه
هـذاك فعلـه ينقصـه مـــــــــايزوده= ولابد يرخص عند ربعه مقامــــــــــه
والهــرج لامنه تعـــدا حـــــــــــدوده=راعيه ياقع لايتباطا السلامــــــــه
يــــاقع بممرور ٍ يفتــــل عضــــوده=يعطيه درس ٍ يقعــده من منامـــــه
ليــــا تحلم يحسبنـّــه يقــــــــــــوده=يفر من نومه تراعــــد عظامـــــــــه
لـــــو ينطحه صدفه تصيبه بــــروده=عقب العلوم وعقب هاك الزعامـــــه