توكلنا على الله ثم صلينا على المختار=ذكـرالله يطيـب القاف مضمونـه وترتيـبة
هذا مفتاح باب البيـت واللـي حـرّك الافكـار=مجـال اللاّبـه اللـي يتسـم بالعـز والهيـبـة

عليّـه للقبيلـة واجـبٍ مالـي عـنـه مـعـذار=وابـن حمـاد له حـقٍ كـذالـك لازم آفيـبـة
علئ شانه وقفت ابماقفي وارفع نبـاي اجهـار=اسم شيخ القبيله نفتخـر بـه يـوم نبدي بـة
ابن حماد لاسمه صيت واضح ماعليه اغبـار=علـى عـز ومـعـزه كـل حـربـيٍ يماريـبـة
ابن حماد راع الوجه الابيض في حقوق الجار=مثل ماقال فجحـان الفـراوي فـي هناديبـة
ابن حمـاد محمـود السجايـا وافـي الاشبـار=راعـي شلفـاً مزكـاً فعلهـا والكـل يدريـبـة
اخو نمشه لربعـه والقبيلـةمايحـوش العـار=مواقيفـه شريفـه مادخلهـا الشـك والريبـة
ابن حماد من شوره ورايـه تقطـع الاشـوار=يفـك المبهمـات بحنكة افـكاره وساليـبـة
ولاة لدولة وأيضا الوطن ثابت مثل سنجار=عواصيف الفتن ماعمرها جابت محاضيبة
زعيم عيال راشد كاسبين المعرفه والكار=على وضح النقا والحق نرضا به ونرضي بـة
علئ المجدالنقاوي تشهد الغيّـاب والحضّـار=فعايلنا تشـرّف حرب تشريقـه وتغريـبـة
هذا العلم الوكاد وكلمة الواقـع لهـا مقـدار=مع اللي يقبل المعقول ويجاهد هـل الغيبـة
بعيدين النظر تجهـل هدفهـم قصّـر الانظـار=وانا معنـى كلامـي يومـن العاقـل بتركيبـة
وتمجيـدي لربعي ماينقـص قيمـة الاخـيـار=راع العلـم النقاوي حافـظٍ قـدره وتوجيبة

محمد حمد ابن شعيبان الحربي