مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   قصيدة الشاعر حمود محمد الفريدي بزواج مشعل صالح المطيع (http://www.alfredah.net/forum/threads/alfredah40961/)

نفال الدهيليس 04-09-15 04:19 PM

قصيدة الشاعر حمود محمد الفريدي بزواج مشعل صالح المطيع
 
قصيدة الشاعر حمود محمد الفريدي بزواج مشعل صالح المطيع
بقصر التوفيق الموافق 4-10-1436

يالله باسمك توكلنا وسمينا=جمل مساعي وغفر كل زلاتي
هبت هبوب المعاني واستعدينا=ماصيد غير الغفال المستذيراتي
ليا دعونا النشاما ماتوانيناء=ناتي لهم لو يطولن المسافاتي
حنا تهانيك يامشعل تهانينا=ودليل ماقلت في تعبير الابياتي
جينا نسوق القدم يمك مهنينا =عساء التوافيق فالك والمسراتي
نبي نحيي باسم قرم محيينا =وقتِ جمع ربعنا من غير الاوقاتي
حي الله الي حضر للحفل ناصينا=يامرحبا بصدقاتنا والقراباتي
حضوركم مع مشاهدكم يكفينا=ومقصودمن ورا هذا وفا ذاتي
لنا الشرف والفخر دعوة بناخينا=اللي مماشيه دايم مستقيماتي
ان ماوفينا معه وين الوفا فينا=اللي زرع له معاريف وجمالاتي
الله يجود بوجوده كل ماجينا=راع الكرم والشجاعه والمرواتي
اليا مدحناه من قومٍ ميامينا =وعلى المكارم يمانيهم جرياتي
من روس ربعٍ يضدون المعادينا =افعالهم من قديم الوقت حياتي
ربعٍ ليا عدت الافعال وافينا =قوم لهم في سنام المجد وقفاتي
اولاد راشد مرجحة الموازينا=ليا حصل في ضروف الوقت ميلاتي
قبيلة ساسها حرب المسمينا =لهم مع الناس ميزة وعتباراتي
في نجد عشنا على العز وعزيزينا =ناخذ ونعطي ولاسقنا الرتاعاتي
وناقف وقوف الجبل قدم متحدينا =ماهي علوم تروجها العدواتي
وإلا هروج الصواقط ما أثرت فينا =تموت وصحابها من ضمن الامواتي
تمرنا الفارغه ماكننا اوحينا =الفارغه فارغه تلقالها مهاتي
وسمعاتنا مع جميع الناس تغنينا =ومع القبايل لنا صوله وجولاتي
ون شب سو البلابين الحفيفينا=يحسب لنا بالمواقف المهماتي
حقوقنا غصباً تاخذها يمانينا= وليا هقينا هقاوينا بعيداتي
ولنا بحق الخوي والجار ثنتينا=ثنتين حزنا مواقيفٍ صعيباتي
ما اقول قولٍ يقال بلا براهينا =ولاخير باللي بلا برهان وثباتي
وظليمة الغير ماهي من مبادينا=ندخل على اللي رفع سبع السماواتي
والناس من غيرنا فهيم وفيينا =مار العرب تختلف مذهب وقيماتي
واليوم في ضل خدام الحرمينا=اخوان نوره معطرت الرهيفاتي
عدل ورغد عيش وامان وطمانينا=والشعب مابينهم بغض وعداواتي
دون الوطن والعقيده حيل شرسينا =وطاعة ولي امرنا مابه مراواتي
سلمان سلمان غيث المستغيثينا=الله يمهل له سنينٍ طويلاتي
ون ماحمينا وطنا لاحيا فينا =وش ينبغى في حياة عزها فاتي
هذا وصلو على خير النبيينا=عليه اختم كلامي بالصلاوتي
الشاعر الكبير (حمود محمد الفريدي )


الساعة الآن 12:53 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52