سج القدم فعلك ينومس ولازال=يبني علی القمه صروح ومزارا

أنت الوفي اللي لك الطيب مدهال=فيك وعليك ومنك والك اعتبارا

تاخذ من حميا العرب فعل الابطال =وتقهر من الفزعه ظروف الحيارا

تشتال حمل المعتزي قبل تشتال =حملك وتقطع لأجل عينه ديارا

لأن الحميا فيك مضرب للامثال=ياحي فالك والهدف والمسارا

مبداك ثابت طيب في كل الاحوال=لو ان غيرك عن مداه استدارا

يفخر بك اللي يعرفك قدر واجلال=وفيك القبيلة تفتخر يابو يارا

عصامي ماردك يالوفي أشهب اللال=بصفك هل التسويف صفر وفقارا

قطعت لأحلامك مسافات وأميال=وحطيت لك بين الكواكب مدارا

واخترت يادكتور للعلم مدخال=منارة العلم الاداري اوتارا

لأنك يامنصور المكارم والافعال=من الرجال اللي وفاهم شعارا

لكم من العلياء مواقف ومنزال=وساوسة طيب ومواكر حرارا

نفخر بكم رجال رجال رجال=حصن علی دروب المعالي تبارا

من اللابه اللي فيهم المدح يختال=الشامخين النادرين الكبارا

عيال راشد داقمة كل عيال=لاصار بالموقف عناد وشرارا