كثروا الشعار جزله وقصاده=ساحة الموروث كل بها غنا

افسحوا للجزل يلعب على ماده=عن مجالات الشعر جنبوا عنا

الشعر هذا مجاله وميراده =عزته في محفل الوسوس تهنا

طاب كيف الشعر من طيب قناده=شاعر افكاره على الجزل يرهنا

شاعر تلجم قصايده نقاده=والقصيد ابداع ومنادمه فنا

حفلكم كم لي وانا ارقب لميعاده=والمديح ابياته الغر يشعنا

تستحقون المدح وانتم اسياده=انتم اللي بالملاقا على ايمنا

مرحبا عداد برقه ورعاده=وعد مارجوع السحايب يساقنا

وعد ما برقه يهيض توقاده=لاح بالمنشا وصوت الرعد دنا

في محل اللي لهم نار وقاده=عند ربعن تحرق العود والبنا

ياعيال العود راشد ويا احفاده=جيت اهنيكم و غيري لكم هنا

انتم اللي فعلكم تعرف امجاده=يومها بالرمح والسيف المحنا

من قبيلة حرب للموت وراده =مانعد ايامنا لو يعدنا

ماكسبناها حيالات وارفاده=حاضرين بفعلنا ماتفطنا

والله انا امان للحرب وزناده=من يشب الحرب حنا لها حنا

والله انا سقم للجرح وضماده=وكان دنوا طبلت الحرب دندنا


العدو في ساحة الحرب نقتاده=علموا بالعلم من كان يجهلنا

وانت يامنصور تستاهل اشاده=وافخر ان الوسوسي ياعرب منا

رتبت مقدم ومن فوقها زياده =ضابط ودكتور مثله يمثلنا

ايه حربي ياصل المجد كالعاده=والثنا والحمد لله والمنا

يوم غيره كبر لراسه وساده=الفريدي كافح بجهده وثنا

الفضا ماضاق من كثر رواده=والهقاوي يامرنا وينهنا

كل واحد وده يحقق امراده=والتمني صاحبه دايم معنا


ابراهيم يوسف السليمي