نادى الهاجوس وجاوبن وحضرن له =روس الفرايد حين نادى على الفور

في وضع ثابت وقفن وخضعن له=كنه ايعاز وكنهن صف طابور

قالن لي امر ويش ودك تاصله=وضح هدفك وياتي القاف محكور

قلت الهدف يلمع على راس تله=تشوفه الحولان والعمي والعور

يعانق شعاعه للنجوم المطله=وايضا القمر لاطل في كامل النور

الوسوس اللي كل ربعه تجله =راع الحجاج الطلق والفعل والشور

كل المراجل حطها في سجله=اقلها رتبة مقدم ودكتور

مواقفه بين الرجال شهدن له=سيف ن مجرب با للوازم ومخبور

صميدع ن لاشربك العقد حله=حكيم ن اسياسي محنك ومسطور

افريدي ن طيبه حقيقي جبله =ماهو تجاويف ن ورا اغلاف ديكور

فيه الشعر ينهال يمي واهله=تسابق ابياته مسابق على الدور

كلن يدله مايبي من يدله=لنه مثل ماقلت واضح ومشهور

تريحن يا لابسات الاجله =ان كان ماجبتن ولد مثل منصور

قبل اختم ويطوف وقته وحله=شطر ن مقوس بين قوسين محصور

من ضمن بيت ن شايفه لايق ن له=له مدة ن يلف با البال ويدور

يستاهل التكريم والحفل كله=(منصور من يومه نشا وهو دكتور)

علي محيميد الفريدي