ادحم بجمبن ماتهزهز ولا مال=واضرب منصات الفخر والشكاله
ياهاجسن تذخر على كل ابو حال=للشعر قاله يوم للفعل قاله
اللعب وهات الي لها الفكر يختال=يفخر بها راع الطرب في حلاله
اسبح بحور الشعر من جال لاجال=دامك على خبري تعشق الجزاله
عوب الفرايد من سما العز تنهال=مثل المطر سبحان منشي خياله
شردن كما وضحن على صوت وبال=لاصاح جنه نادرات السلاله
وفي مدحة الطيب يطيبن الامثال=وراع الجماله يستحق الجماله
ون قيل منهو قلت ذا ذرب الافعال=الوسوس اللي كل نوماس ناله
منصور راع المعرفه طيب الفال=يستاهل الامداح والي عناله
المرجله يتعب لها كل رجال=وأنته تنومس حرب في قاله
شربت من كيف الفخر كم فنجال=وخذت مجدن مايجي بالسهاله
ومعرب الجدين ومعرب الخال=يومن كلن يفتخر في خواله
من فوق متنك نجمة التاج تختال=ودكتور عرفن قبل بحث الرساله
مقدم ودكتور ومعلم اجيال=وشلون نبذ التفرقه والظلاله
اسمك ليامن قيل نرفع له عقال=وكلن من الجمهور يرفع عقاله
من لابتن بمجادها المجد يكتال=والعود وصى بالشكاله عياله
اعيال راشد عز بقوال وافعال=ماهي علومن بين حاله وحاله
اليا احتمى الميقاف مثل اشهب اللال=يردون حوض الموت ورد المحاله
من حرب وحرب مطوعة كل عيال=قدام حكم المملكه والعداله
بندر محسن الشعبي