الشاعر حمود محمد الفريدي في المقدم الدكتور منصور الوسوس
اهنيء الاخ العزيز الوافي / المقدم دكتور منصور بن محمد الوسوس الفريدي لحصوله على شهادة الدكتوراه كما اهنيء اسرته والقبيله كافه بهذه المناسبه ونتمنى له حياة علمية سعيدة ..وأقول :-

سلامي عليكم يااهل الماقف المشكور=وصلني نداكم من وفاكم ولبيته
اهل مرحبا في كل ليله لكم جمهور=تشيب القوافي في وفاكم ولااحصيته
انا داريٍ لو اتعذرماني معذور =ليا غبت عن واجب رفيقي وخليته
انا ماتعذر عن رفيقٍ مثل منصور =اشارك وابارك واتشرف لياجيته
يشرف مجيي عند مثله طويل شبور=رفيقٍ تشرف سمعته يوم سميته
ونادايمٍ عند الوفيين لي حضور=زنادي سنادي لادرك النعم هنيته
تفانا وعانا في زمانه واخذ الدكتور =وفيت وسميت ومرقب العز عديته
يعد الجهل كالليل والعلم مثل النور =اخذت الجزيل وماقف الهزل خليته
ياكثر المرؤه فيك ياقايد المرور=ليا ردها راع الرديه تعديته
مزاياك يامنصور لادنق المثبور=لياجاك طيبٍ من هل الطيب وفيته
عشير الحميا كان جا للمحاما دور=يحامي على ساقة رفيقه وعانيته
اقوله وكلٍ حسب ماقدمه مخبور=ترا مانقول الناس تدرك وواعيته
بك عيال راشد تفتخر من سطر وشعور=مثل كل واحد بالقبيله شهر صيته
عسا اللي بقالك من حياتك فرح وسرور =وعلى العز ياللي منبر العلم نطيته

للشاعر/ حمود بن محمد الفريدي