مجالس الفرده - الطيب وهبه والجمايل مكاسيب

بسم الله الرحمن الرحيم

السلام عليكم ورحمة الله وبركاته هذه القصيده في الاخ العزيز/عبدالرحمن بن عبدالله بن معتق الفريدي الحربي
على مواقفه الطيبه والمشرفه له وللربعه اتمنى ان تنال اعجابكم

يالله يامعبود ياعالم الغيب@@
انك توفقنا على الاستقامي@@
ومن بعد ذكره رتب القاف ترتيب@@
اكتب ونا بعطيك جزل الكلامي@@
من هاجسن ياسعود بين المحاديب@@
هداج ورده ماتصدر ضوامي@@
ولاخير في هرجن بلاثبات ياديب@@
موهوب والوهاب رب الانامي@@
والطيب وهبه والجمايل مكاسيب@@
كسب الرجال اهل الوفا يالكرامي@@
امثال ابوتركي عريب المناسيب@@
ترفعله البيضا بروس العدامي@@
عبدالرحمن اللي تعلا المراقيب@@

وليا نخيته فالشدايد حزامي@

وليا مدحت اهل الوفا مابها عيب@@
العيب لامني مدحت الهلامي@@
ولاهو غريب الطيب من راعي الطيب@@
لاصار ورثه من خوال وعمامي@@
حكيم راي وفالمواقيف ميغيب@@
ويتعب على الجزله رفيع المقامي@@
كساب قولة نعم واف المواجيب@@
وله وقفتن بالطيب تجلا الملامي@@
اعطاه ربه من جزيل المواهيب@@
و الطيب عند العارفين السنامي@@
دون الرفيق يقدم الحال والجيب@@
مايذخر المذخور حرنٍ قطامي@@
من لابتن يوم الثنايا مكاليب@@
دروع الجهام الياغطاه العسامي@@
اولاد راشد فالسنين الشلاحيب@@
افعالهم تاريخ ماهي حلامي@@
وباق القبايل نعم والصايب مصيب@@
نعطى الرجال احقوقها يالحشامي@@

الشاعر حامد بن ردمان الحربي