سلام الله عليكم بالبداية=عدد مالاح براق المخايل
سلامٍ من هواجيسٍ نقية=يعم الحاضرين من القبايل
ويخص سبيع تقدير ومعزة=هل الطولات وافين الخصايل
سبيع الجود وسبيع الشكالة=هل الابل واهل الخيل الاصايل
رياجيل الوفاء في كل ديرة=وعلى الخوة من العشر الاوايل
اهل صملة واهل قيمة وهيبة=وشلف وشرف وسيوفٍ صقايل
واهل فزعة واهل جيرة ونخوة=لياناش الاهب روس الفتايل
سلام الله على الغلباء سلامٍ=سليم من التصنع والهزايل
اعدة وافتخر والشاهد الله=من احساسٍ نقي وراس طايل
اقولة عن قبايل حرب ربعي=رجال الدين وجزال الفعايل
شريفين النوايا والسجايا=محاربة الدول صدق صمايل
ولهم غزوات مع سيد البرية=حقايق ثابتة والشك زايل
على وضح النقاء بيضا جلية=بدون قصور في باق الحمايل
واهني طيب الرفقة زميلي=محمد يستحق اغلا المثايل
بن شعيفان جعل الخير فاله=رجل للعز في وجهه دلايل
مع العقال له صيتٍ مشرف=لقول النعم والتقدير نايل
اهنية بزواج ابنه لعله=موفق خيرفي شتى الوسايل
عسى التوفيق فال سعود دايم=ولعلة مايحوش الا الجمايل
احب الجزل قولة وستماعة=وقدر من يحبون الجزايل
اقدم طيب المعنى النقاوي=وفاء لهل المعالي والفضايل
عسى الله يحفظ السنة واهلها=من اهل الشر شينين العمايل
ويعزالمملكة بخوان نورة=هل العوجاء كعام لكل عايل