مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   وفزعاتكم ياحرب مثل الصحه=عقب المرض ياطيبين الفال (http://www.alfredah.net/forum/threads/alfredah40744/)

عبدالله حمد الفريدي 18-04-15 06:56 AM

وفزعاتكم ياحرب مثل الصحه=عقب المرض ياطيبين الفال
 
الشاعر الكبير متعب عيد العنزي
يجاري الشاعر الكبير محمد حمد بن شعيبان الفريدي



الغضوري متعب مثل ماقال=ابن شعيبان الفريدي قال
فرايدٍمثل الخشوف الشرد=اللي من اعلى جال لدنى جال
والذ واحلى من حليب المصغر=يا ربعت برضٍ تسر البال
يسوقهن طيف النسيم الهادي=على جناح المزنة ام ضلال
على امبراطور القصيد محمد=سوق الدلال الصفر والفنجال
شاعر صراحه بالزمان الحالي=ضمن الأوايل ماعليه جدال
ينقض ويفتل مفرداتٍ ندر=لهن مدى واسع ولهن اطوال
لعيون ربعي وايل العريقه=يصفهن صف الجنيه لحال
الله وانا اساله يطول عمره=ويخذل عداه ويسعده بالحال
شهادة محمد فخر تفخر به=اولاد وايل جيل تلو اجيال
اللي ذكرته ياسلايل راشد=عز وشرف للابة ام افعال
لذاء اسمع ردود الشعور الصادق=الطيب رده طيب يارجال
عن ماقريت وماسمعت وشفته=عن حرب ابا اعده على ايّت حال
عل وعسى اجازي ربع ماقلته=و اكسب رضاك بطرق بني هلال
يا حرب ياللي مجدكم بالسبّع=وافعالكم ياحرب عال العال
نويت اعد اللي رووه جدودي=عنكم وعن تاريخكم يا ابطال
ماني اول الشعار ولا اخرهم=كم شاعرٍ قبلي وراوي قال
حقايقاً ياحرب ماهي ادعايه=مثل النجوم وجديها الشعال
يشهد لكم ياحرب وقتٍ ماضي=يوم القوي ياطى ضعيف الحال
والخيل والبيداء وليلٍ حالك=والسيف والشلفى وحام اللال
حتى الدول ياحرب حاربتوها=يوم الفتن والضلم صال وجال
انتم ذيابة نجد يوم الفتنه=وانتم اسود الغابة ام اطلال
وانتم اسهوم الموت كلٍ قاله=وانتم حماة الذود بالمدهال
وانتم مليّنة القوي القاسي=وستر العذارى يارجف الزلزال
انتم اكعام العايل المتعدي=اللي براسه يلعب الدجال
وانتم مطوعة الصعاب بحينه=الياء اللتقى الخيال بالخيال
وانتم مواقفكم ماحد ياقفها=ياجاء نهارٍ يذهل العقال
وفزعاتكم ياحرب مثل الصحه=عقب المرض ياطيبين الفال
وانتم مزبنت الدخيل وسوره=بينه وبين اعداه تقل جبال
ابيوتكم تذري وضله راهي=عن الهبوب وعن سموم اللال
وانتم ياحرب اهل العطاء والمده=واهل الكرم يوم الكرم مايطال
لضيوفكم ياحرب روضٍ مزهر=ونقروح نون من سماه زلال
وخويكم ياحرب ياخاواكم=رايه مبدى وشوره الفعّال
لوهو قليل عرف ضيق مذهب=يدّمح خطاه وزلته ماتشال
على الشداد وجاعده والذروه=ياما تجون نهاية المنوال
كله لجل قدر الخوي والخوه=والا انتم اهل الأوله يا ابطال
ولجاركم ياحرب جنة دنيا=قصيركم مايطري المرحال
يدله عن ربوعه ومسقط راسه=ويرزق عقب فقره وشح المال
يلقى احترامه بينكم والشيمه=ماكنه الا ابوٍ بوسط عيال
ودليلها ماقاله ابن عمي=عن قصركم قال المطوطح قال
اللي ثمان سنين عده منكم=محدٍ بحقه قال والا عال
يوم الجرب طيّر وبرة نياقه=وشفتوه حورف للمشيل وشال
صارت عليكم كبر طي وسلمى=اقفايته من بينكم رحال
سقتو ركايبكم بوسط ركابه=وقلتو معصي وغير المنوال
لجل كذا يوم انتحى لدياره=دمعه عليكم من عيونه سال
ماطاوع اللي قال له لاتبكي=على اعدانا حرب يارجال
قال البكى ماهو لبعد وقربي=ابكي على جيرة زحول رجال
عسى الحيا يزي مداهيل ذودهم=اللي لهم بالوارده منزال
ياربع ابن حماد واخو حسنا=وابن نحيت وحجرف المثال
والله والله ثم والله والله=ان القصيد بذكركم ينهال
ارفع لكم يمناي واحييكم=من المعزه والغلا يا ابطال
ونهايته ياحرب مهما قلنا=مقصرين ولا وفى المكيال


الشاعر
متعب عيد العنزي


الساعة الآن 02:21 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52